اعجاز مہر
بی بی سی اردو ڈاٹ کام، اسلام آباد |  |
|  بارش نہ ہونے کی صورت میں خشک سالی کا خطرہ |
پاکستان کے وزیراعظم شوکت عزیز نے قوم سے اپیل کی ہے کہ ملک بھر میں بدھ آٹھ ستمبر کو ’نماز استسقاء، ادا کی جائے تاکہ ملک میں بارشیں ہوں اور خُشک سالی نہ ہو۔ نماز استسقاء روایات کے مطابق کُھلے آسمان تلے ادا کی جاتی ہے اور خداوند کریم سے بارش کی دعا مانگی جاتی ہے۔ رواں سال پاکستان میں بارشیں کم ہونے اور گلیشیر نہ پگھلنے کی وجہ سے ڈیموں میں پانی کا ذخیرہ بھی کم ہوا ہے۔ پاکستان میں پانی کی تقسیم کے مجاز ادارے ’ارسا کے سیکریٹری سہیل علی خان کے مطابق ہر سال اگست تک ڈیم بھرجاتے ہیں لیکن اس مرتبہ تربیلا ڈیم گنجائش سے پینتالیس فیصد کم جبکہ منگلا ڈیم میں چھتیس فیصد کم پانی ذخیرہ ہوا ہے‘۔ ان کے مطابق ایسی صورتحال میں ’ارسانے فیصلہ کیا ہے کہ تیس ستمبر کو خریف کی موسم ختم ہونے تک پنجاب اور سندھ صوبوں کے پانی طئے شدہ حصہ سے پینتالیس فیصد کم فراہم کیا جائے گا‘۔ ماہرین کا کہنا ہے کہ اگر بارشیں نہیں ہوئیں تو ربیع میں پانی کی کمی پچاس فیصد سے بھی بڑھ سکتی ہے جس سے فصلوں کی کاشت بھی شدید طور پر متاثر ہوسکتی ہے۔ | 
یہ صفحہ دوست کو ای میل کیجیئے
پرِنٹ کریں
