حسین عسکری بی بی سی اردو ڈاٹ کام، کراچی

ڈاکٹر وحید فیملی کراچی انسداد دہشت گردی کے باہر

ڈاکٹر اکمل وحید اور ان کے بھائی ڈاکٹر ارشد وحید کو دو جولائی کو کور کمانڈر کراچی پر حملے کی منصوبہ بندی کرنے کے الزام میں پکڑا تھا لیکن بعد میں القاعدہ کے مطلوب لوگوں کا علاج کرنے کے الزام لگا کر پھر گرفتار کرلیا۔

عدالت نے جمعہ کو استغاثہ کو خبردار کیا کہ اس کو مزید مہلت نہیں دی جائے گئی۔

دونوں ڈاکٹروں پر القاعدہ سے تعلق رکھنے والے لوگوں کا علاج کرنے اور اس بات کو حکام سے چھپانے کے حوالے سے مقدمہ درج کیا گیا ہے۔

ملزمان کی پیشی کے موقع پر سخت حفاظتی اقدامات کیے گئے تھےاور پولیس کو عدالت کے آس پاس بڑی تعداد میں تعینات کیا گیا تھا۔

اس مقدمے میں پہلی دفعہ صحافیوں کو بھی عدالت کے اندر جانے کی اجازت دی گئی تھی۔

وحید برادران کے اہل خانہ بھی موجود تھے جنہیں ان سے ملنے دیا گیا۔

ڈاکٹر اکمل اور ڈاکٹر ارشد سترہ جون کی شب کو لاپتہ ہو گئے تھے۔ تاہم دو جولائی کو پولیس نے ان کی گرفتاری کی تصدیق کی تھی اور تین جولائی کو انہیں انسداد دہشت گردی کی عدالت میں پیش کیا گیا تھا۔