پاک ایران افواج کی مشترکہ پیٹرولنگ کی خبر کی تردید
،تصویر کا ذریعہGetty Images
- مصنف, شہزاد ملک
- عہدہ, بی بی سی اردو ڈاٹ کام، اسلام آباد
پاکستانی فوج کے شعبہ تعلقاتِ عامہ کے سربراہ میجر جنرل آصف غفور نے اس خبر کی تردید کی ہے کہ پاکستان اور ایران کی مسلح افواج نے مشترکہ پیٹرولنگ کی ہے اور کہا ہے کہ ان اطلاعات میں کوئی صداقت نہیں ہے۔
سماجی رابطوں کی ویب سائٹ ٹوئٹر پر اپنے پیغام میں میجر جنرل آصف غفور کا ڈان اخبار کا ذکر کرتے ہوئے کہنا تھا کہ پاک ایران سرحد پر دونوں ممالک کی فورسز کی جانب سے کسی قسم کی مشترکہ پیٹرولنگ نہیں ہو رہی۔
انھوں نے واضح کیا کہ مشترکہ آپریشن کی ضرورت ہوئی تو دونوں فورسز اپنے اپنے علاقوں میں پیٹرولنگ اور آپریشنز خود کریں گی۔
پاکستانی فوج کےترجمان کی وضحات کے بعد سوشل میڈیا پر بحث شروع ہو گئی کہ مشترکہ پیٹرولنگ والی خبر تو میڈیا کے مختلف اداروں میں شائع ہوئی تو ڈی جی آئی ایس پی آر کی وضاحت میں صرف ڈان کا ذکر کیوں کیا گیا ہے؟
فوج کے ترجمان کی طرف سے اس خبر کی تردید کے بعد ڈان اخبار کی انتظامیہ کی طرف سے بھی ردعمل سامنے آیا ہے جس میں کہا گیا ہے کہ اُنھوں نے ڈی جی آئی ایس پی آر کے اس پوائنٹ کو نوٹ کیا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
مزید پڑھیے
End of سب سے زیادہ پڑھی جانے والی
ڈان اخبار کے ایڈیٹر ظفر عباس کی طرف سے جاری کی گئی ٹویٹ میں کہا گیا ہے کہ یہ غلط فہمی سرکاری خبر رساں ایجنسی ایسوسی ایٹیڈ پریس آف پاکستان یعنی اے پی پی کی طرف سے جاری کی گئی تصویر کی وجہ سے ہوئی ہے جس کے ساتھ پاکستان اور ایران کا مشترکہ پیٹرولنگ کیپشن لکھا ہوا تھا۔
ظفر عباس کی طرف سے لکھی گئی ٹویٹ میں کہا گیا ہے کہ ریڈیو پاکستان کی طرف سے یہ ٹویٹ کی گئی تھی۔
ڈان اخبار کے ایڈیٹر نے ڈی جی آئی ایس پی آر کے بیان کا حوالہ دیتے ہوئے کہا کہ ان کے اس بیان کی روشنی میں ڈان اپنی خبر میں تصیح کررہا ہے۔ اس خبر سے متعلق جب اے پی پی کی انتظامیہ سے رابطہ کیا گیا تو ایک اہلکار نے نام ظاہر نہ کرنے کی شرط پر بی بی سی کو بتایا کہ یہ خبر انھوں نے ریڈیو پاکستان سے لی تھی۔
ریڈیو پاکستان کی انتظامیہ کی طرف سے ابھی تک اس خبر سے متعلق کوئی ردعمل سامنے نہیں آیا۔
واضح رہے کہ ایران کی سرکاری نیوز ایجنسی ’ارنا‘ نے بھی اس خبر کو شائع کیا تھا لیکن اپنی خبر میں اُنھوں نے پاکستانی میڈیا کا حوالہ دیا تھا۔
،تصویر کا ذریعہTwitter
سوشل میڈیا کے ایک صارف عمر علی نے اپنے ٹویٹ میں کہا ہے کہ یہی خبر ایکپریس ٹربیون اور دی نیوز کے علاوہ سرکاری خبر رساں ادارے نے بھی شائع کی ہے تو پھر ڈان کو ہی کیوں نشانہ بنایا گیا ہے۔
سلیم نے اپنی ٹویٹ میں لکھا ہے کہ ڈی جی آئی ایس پی آر کو ڈان کے پیچھے پڑنے سے پہلے سرکاری خبر رساں ادارے اور ریڈیو پاکستان کو بند کردینا چاہیے اگر اُنھوں نے بھی یہ خبر شائع کی ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
واضح رہے کہ اس سے قبل برطانیہ میں لندن برج پر لوگوں کو چاقو کے حملے سے ہلاک اور زخمی کرنے والے ملزم عثمان خان کو پاکستانی نژاد لکھنے پر نامعلوم افراد نے اسلام آباد میں ڈان اخبار کے دفتر کے باہر احتجاجی مظاہرہ کیا تھا۔
عثمان خان کو دو روز قبل پاکستان کے زیر انتظام کشمیر کے علاقے کوٹلی میں دفن کیا گیا ہے۔
