افریقہ میں غربت کی تشویشناک صورتحال

اس اعلان سے دنیا کے غریب ترین ممالک کو قرضوں کے بوجھ سے نجات ملے گئی۔ منصوبے کے مطابق دنیا کے اٹھارہ غریب ترین ممالک کے سو فیصد قرضے معاف کیے جائیں گے۔ قرضوں کی مالیت چالیس ارب ڈالر ہے۔

اعلان کے مطابق عالمی بینک، عالمی مالیاتی فنڈ اور افریقی ترقیاتی بینک مل کر معافی کے لیے وسائل مہیا کریں گے۔ غریب ترین مقروض ممالک کی زیادہ تعداد ذیلی صحارہ افریقہ کی ہے۔

اگلے مہینے سکاٹ لینڈ میں غربت کے خاتمے کی مہم کے ہزاروں کارکن جمع ہوں گے۔ تاہم برطانیہ نے کہا ہے کہ وہ غربت کے خاتمے کی مہم کو سربراہ اجلاس کا اہم ایجنڈا بنائے گا۔ برطانیہ کے وزیرِ خزانہ گورڈن برآؤن نے جی آٹھ کے ورزائے خزانہ کے درمیان ہونے والی بات چیت کے بعد معاہدے کی تفصیلات بتاتے ہوئے کہا:

’ہم آج بہت ہی جامع منصوبہ پیش کرنے والے ہیں اس لیے کہ ورزائے خزانہ نے قرضوں، ترقی، صحت اور غربت کے مسائل پر ایک تاریخی معاہدہ کیا ہے۔ میں آپ کے سامنے یہ اعلان کر رہا ہوں کہ جی آٹھ ملکوں نے غریب ملکوں کو دیے جانے والے قرضوں کو سو فیصد معاف کرنے کا فیصلہ کیاہے‘۔

گورڈن برآؤن نے اس اعلان میں یہ وعدہ بھی کیا ہے کہ قرضوں کو ختم کرنے کا یہ سب سے بڑا منصوبہ ہوگا۔

کیا قرضے معاف کرنے سے غربت کا خاتمہ ہو سکے گا؟

’قرضوں کو معاف کرنا ٹھیک ہے لیکن اس کے بعد ہماری عالمی مارکیٹ تک رسائی ہونی چاہیے تا کہ ہم قرضوں کے جال میں دوبارہ نہ پھنس جائیں‘۔

کینیا ان افریقی ممالک میں شامل نہیں ہے جنہیں قرضوں میں سہولت دی جائے گی۔ کینیا کی حکومت کے ترجمان کہتے ہیں کہ اگرچہ ان کا ملک دوسرے افریقی ممالک کے مقابلے میں معاشی طور پر بہتر ہے لیکن اسے بھی قرضوں کی معافی کے منصوبے میں شامل کرنا چاہیے۔

زمبیا جو کہ اپنی آمدن کا سات فیصد قرضوں کی واپسی پر خرچ کرتا ہے اب تعلیم، صحت اور سماجی کاموں پر زیادہ خرچ کر سکے گا۔

اس بارے میں کوئی شک نہیں کہ اٹھارہ غریب ترین ممالک کو چالیس ارب ڈالر کا قرضہ معاف کرنے سے ان پر ایک بڑا بوجھ کم ہوگا۔

گو کہ افریقی ممالک اس تاریخی منصوبے کے اعلان کا پر اپنے ردِعمل کا اظہار کر رہے ہیں لیکن برِاعظم کو غربت سے نکالنے کے لیے مزید اقدامات کی ضرورت ہو گی۔

جی آٹھ ممالک میں امریکہ، کینیڈا، برطانیہ، فرانس، جرمنی، اٹلی، جاپان اور روس شامل ہیں۔