 |  سبرینا ہارمن نے ابو غریب میں ایک قیدی کی لاش کے ساتھ یہ تصویر کھنچوائی تھی |
امریکہ کی ایک فوجی عدالت نے عراق میں ابو غریب جیل میں قیدیوں کے ساتھ بد سلوکی کے واقعات میں اب ایک خاتون سپاہی کو مجرم قرار دیا ہے۔ فوجکی ستائیس سالہ سپاہی سبرینا ہارمن کو کل ریاست ٹیکساس میں آٹھ فوجی افسروں پر مشتمل پینل نے سات میں سے چھ الزامات کا قصوروار پایا۔ ان کو اب ساڑھے پانچ سال قید تک کی سزا ہو سکتی ہے۔ سبرینا ہارمن ابو غریب جیل میں عراقی قیدیوں کے ساتھ بد سلوکی کے الزامات میں فوجی مقدمے کا سامنا کرنے والے نو فوجیوں میں سے آخری ملزم ہیں۔ بدسلوکی اور تشدد کرنے میں ان فوجیوں کے لیڈر چالرلز گرینر کو جنوری میں کورٹ مارشل کے بعد دس سال کی سزا سنائی جا چکی ہے۔ | 
یہ صفحہ دوست کو ای میل کیجیئے
پرِنٹ کریں
