راشد اشرف بی بی سی اردو لندن

چارلس اور کمیلا دونوں اس بات کا اعتراف کر چکے ہیں کہ ان کے درمیان اس وقت بھی جنسی تعلقات تھے جب وہ دونوں الگ الگ شادی شدہ زندگی گزار رہے تھے

موسم کی بات صرف ریڈیو اور ٹیلیوژن پر ہوتی ہے۔یہ ننھا سا جزیرہ جو اگر پاکستان کی گود میں بیٹھ جائے تو نوزائیدہ بچہ لگے۔ اس کے موسم کا ذکر ریڈیو ٹیلیوژن پر تین تین چار چار منٹ تک ہوتا رہتاہے۔ان کا بس نہیں چلتا کہ یہ بھی بتادیں کہ آپ کے گھر پہ کب اور کتنی بوندیں گریں گی۔ سنتے سنتے طبیعت عاجز آجاتی ہے۔

جہاں دوسری بہت سی روایتیں اس جزیرے والوں نے چھوڑی ہیں وہیں لگتا ہے کہ صاف ستھرے الیکشن کی روایت بھی اس بار مٹا دی جائے گی۔

الیکشن ابھی دور ہیں۔ اندازے لگائے جارہے ہیں کہ مئی کی پہلی جمعرات کو ہوں گے (ووٹنگ کے لیے ہمیشہ جمعرات کا دن مقرر کیا جاتا ہے) لیکن آسمان پر ابھی سے انتخابات کے بادل چھانے لگے ہیں۔ وہ بھی گہرے اور کالے بادل۔

جنوری کی پہلی تاریخ سےمعلومات کی آزادی کے اس قانون پر عمل شروع ہوا ہے جس کے تحت سرکاری فائلیں عوام کے سامنے کھولنی ضروری ہیں۔

فائلیں کھل رہی ہیں اور ان میں حزب مخالف کنزرویٹیو پارٹی کے وزیراعظم جان میجر کے زمانے میں ستمبر انیس سو بانوے کے ’منحوس بدھوار‘ کے کاغذات بھی ہیں۔ اس دن سٹے بازی نے پونڈ کا وہ برا حال کیا تھا کہ اسے اس گرہن سے نکالنے کے لیے خزانے کو تین اعشاریہ تین بلین پونڈ خرچ کرنے پڑے اور برطانیہ کو یورپی یونین کے شرح تبادلہ کے نظام سے باہر نکلنا پڑا تھا۔

چارلس چرچ آف انگلینڈ کی سربراہ کیسے؟  اگر چارلس ایک دن تخت نشین ہوجائیں گے تو وہ چرچ آف انگلینڈ کے سربراہ کیسے بنیں گے کیونکہ چارلس اور کمیلا پارکر بولز دونوں اعتراف کرچکے ہیں کہ ان کے درمیان اس زمانے میں جنسی تعلقات تھے جب وہ الگ الگ شادی شدہ تھے۔

کنزرویٹو کہہ رہے ہیں کہ کیچڑ اچھالی جا رہی ہے اور انہوں نے بھی سو درخواستیں ان فائلوں کو دیکھنے کے لیے دے دی ہیں جن میں وزیر اعظم ٹونی بلیئر اور ان کی بیوی شیری کے پیسے کے لین دین کے بارے میں ڈھکی چھپی معلومات مل سکتی ہیں۔

یہ وہ ہفتہ تھا جس میں ٹونی بلیئر نے اپنی وزارت کے دو ہزار تین سو اڑتیس دن پورے کیے۔ اس سے پہلے کسی لیبر وزیراعظم نے اتنی لمبی مدت ڈاؤننگ سٹریٹ میں نہیں گزاری۔ البتہ کنزرویٹیو وزیراعظم جو ساڑھے گیارہ برس یہ گدی سنبھاے رہیں، سب پر بھاری رہی تھیں۔ان پر الزام لگا تھا کہ خود کو ملکہ سمجھنے لگی ہیں اور اصل ملکہ کو خاطر میں نہیں لاتیں۔

اسی طرح کی باتیں اب ٹونی بلیئر کی بابت بھی ہونے لگی ہیں اور انہیں کنگ ٹونی کا لقب دیا جارہاہے۔ اطلاعات ہیں کہ وہ کوئی بات اپنی مرضی کے خلاف نہیں چاہتے ۔ ہر معاملے میں اپنا دخل ضروری سمجھتے ہیں۔

ادھربرطانیۂ عظمیٰ کی بادشاہت کے منتظر یعنی ولی عہد شہزادہ چارلس کی دوسری بار شادی کے اعلا ن نے پرانے زخموں کو پھر ہرا کردیا ہے۔

ملک کی آدھی آبادی جوان اور حسین اور عوام کے دلوں کی ملکہ شہزادی ڈائیانا کی موت سے پہلے ان کی طلاق کی ذمہ دار کمیلا پارکر بولز کو ٹھہراتی ہے جو اپریل کی آٹھ تاریخ کو شہزادے کی بیوی بننے والی ہیں۔ کمیلا جولائی میں اٹھاون سال کی ہو جائیں گی، چارلس بھی ان کے ہم عمر ہیں۔ دو عمر رسیدہ افراد کی اس شادی کے صرف ایک پہلو پر بحث ہورہی ہے کہ اگر چارلس ایک دن تخت نشین ہوجائیں گے تو وہ چرچ آف انگلینڈ کے سربراہ کیسے بنیں گے کیونکہ یہ دونوں اعتراف کرچکے ہیں کہ ان کے درمیان اس زمانے میں جنسی تعلقات تھے جب وہ الگ الگ شادی شدہ تھے۔

ٹونی بلیئر کا ریکارڈ  ٹونی بلیئر نے اس ہفتے اپنی وزارتِ عظمیٰ کے دو ہزار تین سو اڑتیس دن پورے کیے۔ اس سے پہلے کسی لیبر وزیراعظم نے اتنی لمبی مدت ڈاؤننگ سٹریٹ میں نہیں گزاری

اس پر یاد آیا کہ شہزادہ چارلس کی آمدنی کی بھی چھان بین بھی ہو رہی ہے۔ وہ آمدنی جو انہیں اپنی ذاتی جائیدادوں اور زمینوں سے ہوتی ہے۔ پچھلے سات سو سال میں کبھی کسی نے کارنوال اور لنکاسٹر کی ان شاہی جائیدادوں کو نہیں کریدا۔
میں نے کہا تھا نا کہ روایتیں ٹوٹ رہی ہیں۔