مریکی اور برطانوی وزراء خارجہ کالن پاول اور جیک سٹرا

ان چاروں ممالک نے واشنگٹن میں جی ایٹ ممالک کے وزرا خارجہ کے اجلاس کے بعد یہ اعلان کیا۔

یہ پہلا موقع ہے کہ ان ممالک نے عراق میں نئی حکومت کی طرف سے غیر ملکی فوجوں کے انخلاء کے ممکنہ مطالبے کے بعد اپنی متوقع پالیسی کے بارے میں کوئی بیان دیا ہے۔

تاہم امریکی وزیر خارجہ نے کہا کہ ان کےخیال میں اس بات کا بہت کم امکان ہے۔ انہوں نے کہا کہ مجھے اس بارے میں زیادہ پریشانی نہیں ہے۔ ان کا کہنا تھا کہ ’اگر انہوں نے ہمیں جانے کے لئے کہا تو ہم چلے جائیں گے‘۔

کالن پاول نے جیسے ہی اپنا بیان دیا تو برطانیہ، اٹلی اور جاپان کے وزرا خارجہ
بھی اپنے موقف کے اظہار کے لئے صف آرا ہو گئے۔

ان چار ممالک کی طرف سے ان بیان کا ایک مقصد عراق میں یکم جولائی سے اقتدار سنبھالنے والی حکومت کی ساکھ اچھی کرنا بھی ہو سکتا ہے۔

لیکن عراق کی نئی حکومت پر ان قوتوں کی طرف سے دباؤ بڑھانے کا جواز پیدا کرنا جو غیر ملکی فوجوں کے حق میں نہیں جوا بھی ثابت ہو سکتا ہے۔