اعجاز مہر بی بی سی اردو ڈاٹ کام‘ اسلام آباد

واہگہ سے پہلی بس کی آمد پر دروازہ کھولا جا رہا ہے

پاکستان کے دفتر خارجہ کے قائم مقام ترجمان جلیل عباس جیلانی نے بی بی سی کو بتایا کہ کنٹرول لائن پر چکوٹھی کے مقام سے بس چلانے پر بات ہوگی۔

ان کا کہنا تھا کہ پاکستان بننے کے بعد بھی سن انیس سو تریپن تک اس مقام سے لوگ پیدل آیا جایا کرتے تھے۔

جب ان سے پوچھا گیا کہ سن سینتالیس سے تریپن تک کس قسم کی سفری دستاویزات استعمال ہوتی تھیں تو انہوں نے بتایا کہ دونوں جانب کی کشمیر ریاستوں کے حکام راہداری جاری کرتے تھے۔

جیلانی کا کہنا تھا کہ پرانی سڑک تو موجود ہے لیکن اس کی مرمت کرنی پڑے گی۔

واضح رہے کہ پاکستان کے جنوبی صوبہ سندھ کے شہر کھوکھرا پار سے مُناباؤ تک بس سروس شروع کرنے کے لئے بھی گزشتہ ماہ کے آخر میں دونوں ممالک کے نمائندوں کے درمیاں مذاکرات ہوئے تھے تاہم کوئی واضع فیصلہ نہ ہو سکا تھا لیکن مذاکرات جاری رکھنے پر اتفاق کیا گیا تھا۔

پہلی بار بس سروس شروع ہونے کے موقع پر ایک مسافر اپنے ٹکٹ کے ساتھ