ویرائزن کا یاہو کو پانچ ارب ڈالر میں خریدنے کا فیصلہ
،تصویر کا ذریعہReuters
امریکی انٹرنیٹ کمپنی ’یاہو‘ کو امریکی ٹیلی کام کمپنی ویرائزن تقریباً پانچ ارب ڈالر میں خرید رہی ہے۔
یاہو کو مشہور انٹرنیٹ کمپنی ’اے او ایل‘ کے ساتھ جوڑ دیا جائے گا جسے ویرائزن نے گذشتہ سال خریدا تھا۔
پانچ ارب ڈالر میں طے کیے جانے والے اس سودے کی قیمت سنہ 2008 میں 44 ارب ڈالر تھی جو اس وقت مائیکروسافٹ کی پیش کش تھی۔
ویرائزن کا کہنا ہے کہ ہر ماہ ایک ارب سے زیادہ صارفین کی طرف سے استعمال ہونے والا یاہو کا مرکزی انٹرنیٹ کاروبار کمپنی کو ایک موبائل میڈیا کمپنی بنا دے گا۔
،تصویر کا ذریعہGetty
یاہو کی سربراہ مریسا میئر نے کہا ’یاہو ایک ایسی کمپنی ہے جس نے دنیا کو بدل کر رکھ دیا ہے۔ ویرائزن اور اے او ایل کے ضم ہو جانے کے بعد بھی یہ دنیا کو بدلتا رہے گا۔‘
لیکن سنہ 2017 میں مکمل ہونے والی اس خریداری کے بارے میں سوالات اٹھ رہے ہیں کہ کیا یاہو برانڈ کا نام و نشان تو نہیں مٹ جائے گا۔
’سٹریٹیجی اینالٹکس‘ کے ڈائریکٹر مائیکل گڈمن کا کہنا ہے ’یہی تو بڑا سوال ہے کہ وہ برانڈز کے ساتھ کیا کریں گے؟‘
End of سب سے زیادہ پڑھی جانے والی
