ساتوِک اگروال

اس کے ایک گھنٹے کے بعد ہم سائنس کنٹیسٹ میٹنگ میں گئے جہاں بہت زیادہ لوگ نہیں تھے۔ اس میٹِنگ میں ایک سائنسدان نے تقریر کی جس میں ہمیں بتایا گیا کہ خلائی گاڑی یعنی روور کس طرح مریخ پر توانائی کا استعمال کررہا ہے۔

مثال کے طور پر روور کو چلانے کے لئے کتنی توانائی صرف ہورہی ہے اور اس کے دوسرے کام کرنے کے لئے کتنی توانائی کی ضرورت پڑتی ہے۔ ہمیں روور چلانے کے طریقوں کے بارے میں بھی بتایا گیا۔ روور دو طریقے سے چلتا ہے: ایک تو زمین سے ناسا کے سائنسدان اسے چلاتے ہیں۔ اور دوسرا اس کا اپنا آٹومیٹِک سِسٹم بھی ہے۔

روور جب خود چلتا ہے تو اس کی رفتار کافی کم ہوتی ہے لیکن زمین سے اس کی رفتار کافی بڑھائی جاسکتی ہے۔ سائنسدان نے یہ بھی بتایا کہ مریخ مِشن کے ساٹھ دن پورے ہونے تک روور کی توانائی کافی کم ہوجائے گی اس لئے وہ کافی کام اس وقت سے پہلے پورا کرلینا چاہتے ہیں۔

اس کے بعد ہم ڈاؤن لِنک اسیسمنٹ کے لئے گئے یعنی یہ دیکھنے کے لئے کہ دن بھر ہمیں روور نے مریخ پر کیا کام کیا ہے۔ آج روور کو اپنی پوزیشن سے پیچھے جانا تھا، تصویریں لینی تھیں اور کئی چیزوں کا مطالعہ کرنا تھا لیکن وہ چل نہیں پایا۔

روور نے اطلاعات فراہم تو کیں لیکن پیچھے جاکر نہیں بلکہ اپنی جگہ پر کھڑے کھڑے۔ سائنسدانوں نے روور کے پتھر کاٹنے والے ڈرِل کے بارے میں بھی ہمیں معلومات دیں۔ انہوں نے مریخ سے ملنے والی کئی معاملات کے بارے میں باتیں بتائیں، کافی مزہ آیا۔