کہ’روس بھارت کی خارجہ پالیسی میں ایک حاص اور اہم مقام کا حامل ہے‘

منموہن سنگھ روس کے دو روزہ دورے پر ماسکو پہنچے ہیں۔

بھارت اور روس کے درمیان سویت یونین کے زمانے سے گہرے تعلقات ہیں اور اطلاعات کے مطابق اس دورے کے دوران روس اور بھارت کے درمیان ایٹمی ری ایکٹروں کی تعمیر کےحوالے سے معاہدہ ہونے کی امید ہے۔

اس معاہدے کے تحت روس بھارت میں چار جوہری ری ایکٹر تعمیر کرےگا۔ یاد رہے کہ روس پہلے ہی بھارت میں ایک سویلین جوہری بجلی گھر تعمیرکر رہا ہے۔

بھارت روسی اسلحہ کے بڑے خریداروں میں سے ایک ہے اور روس اب بھارت کو ایک سو بیس سے زائد جنگی طیاروں کی فروخت کے لیے بولی بھی دے رہا ہے۔

خبر رساں ادارے ایسوسی ایٹڈ پریس کے مطابق روس کے دورے کے حوالے سے بھارتی وزیراعظم کا کہنا ہے کہ’روس بھارت کی خارجہ پالیسی میں ایک حاص اور اہم مقام کا حامل ہے‘۔ ان کا یہ بھی کہنا تھا کہ ان کے اس دورے سے دونوں ممالک کے باہمی تعلقات ایک نئے مرحلے میں داخل ہوں گے۔

اگرچہ دونوں ممالک کے تعلقات بہت مضبوط ہیں تاہم ان تعلقات کو مغرب کے مقابلے اور چین کی بڑھتی ہوئی اقتصادی اور عسکری طاقت جیسے نئے چیلنج درپیش ہیں۔