اس سے پہلے اسی نوع کا ایک معاملہ ریاست ہریانہ میں اٹھ چکا ہے

پولیس کے مطابق یہ باقیات اتوار کو نیاگڈھ قصبے میں بیس تھیلوں میں ایک ہسپتال کے پاس موجود کوڑے کے ڈھیر سے ملے ہيں۔

انڈیا میں جنین کا اسقاط

اسقاظِ حمل: 28 ڈاکٹروں پر پابندی

پولیس اس معاملے کی تفتیش کر رہی ہے اور خدشہ ظاہر کیا جا رہا ہے کہ یہ معاملہ رحم مادر میں لڑکیوں کے جنین کو ضائع کرنے یا انسانی اعضاء کے سمگلنگ کا ہوسکتا ہے۔

حکومتی اہلکاروں کا کہنا ہے کہ باقیات کو ریاست کی فورنسک لیبارٹری ميں بھیجا جا رہا ہے۔ شعبہ جرائم کے انسپکٹر جنرل بی کے شرما کا کہنا ہے کہ ’فی الوقت یہ کہنا مشکل ہے کہ یہ باقیات انسانی ہیں یا نہیں اور ہڈیاں اور کھوپڑیوں کی تعداد کتنی ہے‘۔ ان کا کہنا تھا یہ تعین ہونے میں ایک ہفتہ لگ سکتاہے۔

گزشتہ دنوں ڈوبری نامی پہاڑی علاقے میں کچھ بچوں کی لاشیں دفن ہونے کی خبر آئی تھی لیکن پولیس وہاں ایک بھی لاش برآمد نہ کر سکی۔ خیال کیا جاتا ہے کہ میڈیا میں خبر آنے کے بعد پولیس کے پہنچنے سے پہلے ہی ان لاشوں کو غائب کردیا گیا۔

باقیات انسانی ہیں یا نہیں  فی الوقت یہ کہنا مشکل ہے کہ یہ باقیات انسانی ہیں یا نہیں اور ہڈیاں اور کھوپڑیوں کی تعداد کتنی ہے انسپکٹر جنرل بی کے شرما

ہندوستان میں رحم مادر میں جنس کی تشخص پر پابندی عائد ہے لیکن اس باوجود خاطر خواہ تبدیلی نہيں آئی ہے کیونکہ والدین لڑکوں کو لڑکیوں پر ترجیح دیتے ہیں۔