بینو جوشی جموں

	شوکت کے خاندان والوں کا الزام ہے کہ موت جسمانی اذیت سے ہوئی

شوکت حسین کی پولیس کی حراست میں موت کے خلاف سینکڑوں افراد نے رجوری ضلع میں مظاہرے کیے۔

پولیس کا کہنا ہے مقتول شوکت حسین ضلع رجوری کے باشندے تھے اور انہیں ایک چوری کے مقدمے میں منگل کے روز گرفتار کیا گیا تھا اور بدھ کی صبح پولیس کی حراست میں ان کی موت ہوگئی۔

تاہم شوکت حسین کے خاندان والوں کا الزام ہے کہ پولیس نے شوکت کو شدید جسمانی اذیت دی اور اس کی وجہ سے ان کی موت ہوئی۔

پولیس کے مطابق مقامی تھانے کے پولیس انچارج کو معطل کرد یاگیا ہے اور اس واقعہ کی تفتیش کا حکم بھی دے دیا گیا ہے۔

پولیس نے بتایا کہ انہوں نے مقتول شوکت حسین کی لاش پوسٹ مارٹم کے بعد ان کے خاندان والوں کو سونپ دی اور علاقعہ میں حالات معمول پر آگئے ہیں۔

ریاست کے وزیر اعلیٰ غلام بنی آزاد نے ایک بار پھر باور کرایا ہے کہ انسانی حقوق کی کسی بھی قسم کی خلاف وزری کو برداشت نہیں کیا جائے گا۔