ہر ماہ قریباً پینسٹھ لاکھ بھارتی نیا موبائل فون کنکشن حاصل کرتے ہیں۔

معاہدے کے تحت ووڈا فون نے سڑسٹھ فیصد حصص خریدے ہیں اور اس معاہدے کے ساتھ ہی ایسار کمپنی میں ہانگ کانگ کی ہچسن ٹیلی کمیونیکیشنز کے حصے کی فروخت کے حوالے سے جاری بحث اختتام کو پہنچ گئی ہے۔

بھارتی موبائل مارکیٹ کے سولہ فیصد صارفین ہچسن ایسار سے منسلک ہیں اور ووڈا فون کا کہنا ہے کہ موبائل فون کے حوالے سے بھارت پویر دنیا میں تیز ترین رفتار سے بڑھتی ہوئی مارکیٹ ہے اور یہاں ہر ماہ قریباً پینسٹھ لاکھ افراد موبائل فون کنکشن حاصل کرتے ہیں۔

ووڈا فون کے چیف ایگزیکٹو ارون سرین کے مطابق ’یہ ڈیل اس بات کا ثبوت ہے کہ ہم کس طرح ابھرتی ہوئی معیشتوں میں اپنی جگہ بنا رہے ہیں‘۔

ووڈا فون اس سے قبل بھارتی موبائل کمپنی ائر ٹل میں بھی پانچ اعشارہ چھ فیصد حصے کی مالک ہے اور اسے اس معاہدے کے حصول میں انل امبانی کی ریلائنس موبائل، ہندوجا گروپ اور خود ایسار کمپنی سے مقابلے کا سامنا تھا۔