بھارت کے بعد ہو جن تاؤ تین روزہ دورے پر پاکستان جائیں گے

نامہ نگاروں کا کہنا ہے کہ حالیہ سالوں میں بھارت اور چین نے کئی محاذوں پر اپنے تعلقات بہتر کیے ہیں لیکن اب بھی کچھ حل طلب معاملات باقی ہیں۔

تجارت  توقع ہے کہ اگلے سال تک بھارت اور چین کے درمیان تجارت بیس ارب ڈالر تک پہنچ جائے گی بی بی سی نامہ نگار

اروناچل پردیش کے بارے میں تنازعہ انیس سو باسٹھ کی جنگ کے وقت سے جاری ہے۔

بھارت کشمیر کے شمال میں اڑتیس ہزار مربعہ کلومیٹر پر پھیلے ہوئے اکسئی چِن کے علاقے پر حق جتاتا ہے جو اب چین کے زیر انتظام ہے۔

تبت کا علیحدگی پسند گروپ دلائی لاما کی قیادت میں بھارت کی ریاست ہماچل پردیش میں قائم ہے۔

دونوں ملکوں نے سن دو ہزار پانچ میں سرحدی تنازعات کے حل کے لیے معاہدے پر دستخط کیے تھے اور اس کے بعد سے تعاون میں اضافہ ہو رہا ہے۔

بی بی سی کے دِلّی میں نامہ نگار سنجوئے ماجومدار نے کہا کہ دونوں ہمسایہ ممالک کے درمیان تعلقات بد اعتمادی، شکوک و شبہات اور رقابت کا شکار رہے ہیں۔ لیکن انہوں نے کہا کہ توقع ہے کہ اگلے سال تک ان کے درمیان تجارت بیس ارب ڈالر تک پہنچ جائے گی۔