عمر فاروق حیدرآباد، دکن

	آندھرا پردیش میں ماؤ نواز باغیوں اور پولیس کی کارروائیوں میں ہزاروں افراد ہلاک ہو چکے ہیں۔

یہ واقعہ ریاست کے وارنگل کے علاقے میں پیش آیا ہے۔

پولیس کے ایک سینئر اہلکار سومیا مشرا نے بی بی سی کو بتایا ہے کہ یہ دھماکہ وارنگل ضلع کے امودلاپالی گاؤں میں ایک جھوپڑی میں ہوا جہاں یہ باغی ٹھہرے ہوئے تھے۔

ہلاک ہونے والے چار باغیوں میں دو کی شناخت ہوچکی ہے۔ ان دونوں باغیوں کا تعلق ماؤسٹ کمیونسٹ پارٹی آف انڈیا سے تھا۔پولیس کا کہنا ہے کہ دھماکے کے مقام سے انھوں نے اسلحہ برآمد کیا ہے۔

مسٹر مشرا نے دھماکے کے مقام کا جائزہ لیا ہے۔ اور ان کا کہنا ہے کہ اس دھماکے کی وجوہات کی تفتیش کی جاری ہے۔

پولیس کا کہنا ہے کہ انہیں شبہ ہے کہ یہ دھماکہ باغیوں کے پاس رکھے کسی بم کے پھٹنے سے ہوا ہے۔ جو انہوں نے مستقبل میں کسی دھماکے کے لیئے اپنے پاس رکھا ہوگا۔