ریحانہ بستی والا بی بی سی اردو ڈاٹ کام ، ممبئی

	ملزمان کی تلاش میں پولیس ملک کی کئی ریاستوں میں چھاپے مار رہی ہے

انہیں مجگاؤں کی عدالت میں پیش کیا جائے گا۔اس سے پہلے اے ٹی ایس نے تین افراد کو گرفتار کیا تھا ۔

ممبئی بم دھماکے کے بارے میں خصوصی ضمیمہ

میرا بیٹا بالکل بےگناہ ہے

اے ٹی ایس کے سینئر پولس انسپکٹر سنیل دیش مکھ نے بی بی سی سے بات کرتے ہوئے ڈاکٹر تنویر کی گرفتاری کی تصدیق کی ۔انہوں نے بتایا کہ ممبئی کرائم برانچ کے یونٹ دو کے انسپکٹر ہرگوڈے نے ڈاکٹر تنویر کے ساتھ بنگلور اور ممبئی سے چار افراد کو بائیس جولائی کو حراست میں لیا تھا جس میں ایک سافٹ ویر انجینئر بھی شامل ہے۔

تفتیش کے بعد ڈاکٹر تنویر کو گرفتار کر لیا گیا ہے جبکہ دیگر کو ثبوت نہ ہونے کی وجہ سے چھوڑ دیا گیا ۔

دیشمکھ کے مطابق ڈاکٹر تنویر ممبئی سینٹرل کے علاقے مومن پورہ کے رہنے والے ہیں۔

ٹرین بم دھماکوں کی تفتیش میں اے ٹی ایس کی مدد کے لیئے کرائم برانچ کو بھی شامل کیاگیا ہے اور اس کے علاوہ مدبھیڑ کے ماہر انسپکڑ وجے سالسکر بھی تفتیشی ٹیم میں شامل ہیں۔ ملزمان کی تلاش میں پولیس ملک کی کئی ریاستوں میں چھاپے مار رہی ہے۔