‌فردوس اے ٹاک بی بی سی اردو ڈاٹ کام، جموں

	لاہور میں اس سے پہلے بھی ہندوستانی کھانوں کا ایک فیسٹیول ہو چکا ہے

سرکاری ذرائع کے مطابق جموں وکشمیر سیاحتی محکمہ کے کچھ اعلیٰ افسران کو پاکستانی ہائی کمیشن کا کہنا ہے کہ ’ویزہ‘ نہ ملنے کی وجہ سے اس منصوبے کو معطل کرنا پڑ سکتا ہے۔

ذرائع کے مطابق یہ فیسٹیول اگلے ماہ کی 15 تاریخ سے لاہور کے ایک ’فائیو سٹار‘ ہوٹل میں منعقد کیا جانا تھا۔

ایک اعلیٰ سرکاری افسر کے مطابق محکمہ سیاحت کے ڈائریکٹرجنرل سلیم بیگ اور منیجنگ ڈائریکٹر عبدل عزیر وانی اس فیسٹیول کی تیاریوں کے سلسلہ میں لاہور جانے والے تھے لیکن پاکستانی ہائی کمیشن نے ویزے کی لیے ان کی درخواستیں مسترد کر دیں۔

جموں وکشیر سیاحتی محکمہ کےمنیجنگ ڈائریکٹر عبدل عزیر وانی نے بی بی سی اردو ڈاٹ کام کو بتایا کہ ریاست کے سابق وزیراعلیٰ مفتی محمد سعید نے یہ منصوبہ بنایا تھا اور اس کو عملی جامہ پہنانے کے لیےدونوں طرف ہی تیاریاں مکمل کی جا چکی تھی اور دونوں ممالک کی ر‌ضامندی کے بعد مارچ 15 کی تاریخ طے ہوئی تھی۔

وانی نے یہ بھی بتایا کہ ریاست سے تعلق رکھنے والے مشہور فیشن ڈیزائنر روہت بل بھی اس فسٹیول میں پندرہ ماڈلز کے ساتھ حصہ لینے کے لیے تیار تھے۔

ان کے مطابق بھارتی سرکار نے محکمہ کو اس فسٹیول کے لیے پچاس لاکھ کی مالی امداد بھی فراہم کی تھی۔

وانی نے بتایا کہ ’ہم نے لاہور جانے کے لیے ساری تیاریاں مکمل کر لی تھیں لیکن آخری موقع پر ہمارے پاسپورٹ واپس کر دیے گۓ‘۔

پوری دنیا میں مشہور کشمیری وازوان گو کہ اس فسٹیول کے منصوبے کا ایک اہم حصہ تھا لیکن اس کے علاوہ کشمیری دستکاری اور کلچر کی نمائش کے بھی انتظامات کیے جا رہے تھے۔