بنگلور کا انٹل سنٹر امریکہ سے باہر کسی بھی ملک میں اس کمپنی کا سب سے بڑا ادارہ ہے

اس بات کا اعلان انٹل کمپنی کے سربراہ کریگ بیرٹ نے جنوبی ایشیا کے دورے کے موقع پر کیا۔

ان کا کہنا تھا کہ ’ ہم اپنے مقامی آپریشن بڑھائیں گے۔ اور حکومت اور صنعتی و تعلیمی اداروں کے ساتھ مل کر کام کریں گے‘۔

انٹل اپنے ریسرچ اور ڈویلپمنٹ آپریشن کی ترقی کے لیے آٹھ سو ملین ڈالر خرچ کرے گا جبکہ بقیہ رقم دیگر کمپنیوں میں سرمایہ کاری کے لیے استعمال کی جائے گی۔

بھارت کے شہر بنگلور میں انٹل کا ایک ریسرچ اینڈ ڈویلپمنٹ سنٹر قائم ہے جہاں پر کمپنی کے مائیکروچپ، کمپیوٹر اور نیٹ ورکس کےلیے سافٹ ویئر بنائے جاتے ہیں اور ان کمپنی بھارت میں ایک مینوفیکچرنگ پلانٹ لگانے کا ارادہ رکھتی ہے۔

یاد رہے کہ بنگلور کا انٹل سنٹر امریکہ سے باہر کسی بھی ملک میں اس کمپنی کا سب سے بڑا ادارہ ہے۔

انٹل جیسی کمپنیاں سافٹ ویئر بنانے کے لیے بھارت جیسے ممالک کا رخ کر رہی ہیں کیونکہ ان ممالک میں امریکہ کی نسبت سافٹ ویئر انجینیئر سستے داموں یہ کام سرانجام دیتے ہیں۔

تحقیق کے مطابق امریکہ میں ایک سافٹ ویئر انجینیئر کی تنخواہ ایک بھارتی سافٹ ویئر انجینئر کے مقابلے میں چھ گنا زیادہ ہے۔