 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
دلی دھماکے، تفتیش میں پیش رفت | ||||||||||||||||||||||||||||||||||||||||
دلی پولیس کا کہنا ہے کہ نئی دِلّی میں ہفتے کی شام ہونے والے دھماکوں میں 60 سے زیادہ افراد کی ہلاکت اور 200 کے زخمی ہونے کے تحقیقات میں پیش رفت ہوئی ہے۔ اس سے پہلے بھارت کے دارالحکومت شہر میں سخت ترین حفاظتی انتظامات کا اعلان کیاگیا تھا۔ دلی میں بی بی سی کی نامہ نگار نادیہ پرویز لکھتی ہیں کہ پولیس نے گذشتہ رات ہوئے بم دھماکوں کے بارے میں کسی طرح کی خبر یا سراغ دینے والے شخص کو ایک لاکھ روپيئے دینے کا اعلان کیا ہے ۔ اب تک پولیس کو اس بات کا پتہ نہیں چل پایا ہے کہ ان دھماکوں کے پیچھے کون لوگ ہیں ہے۔ تفتیش کے دوران پولیس نے رات بھر شہر کے کئی علاقوں میں چھاپے مارے ہیں۔ اطلاعات کے مطابق ان علاقوں میں چاندنی چوک ، ذاکر نگر، لاجپت نگر ،اوکھلا اور نظام الدین شامل ہیں۔ پولیس نے دھماکوں کے بارے میں تقریبا 22 افراد سے پوچھ گچھ کی ہے۔
پورے شہر میں سخت حفاظتی انتظامات کئے گئے ہیں اور لوگوں کو ہدایت دی جار ہی ہے کہ وہ کسی بھی انجان چیز کو ہاتھ نہ لگائيں اور کسی بھی طرح کا شبہ ہونے پر فورا پولیس کو اطلاع دیں۔ دلی میں دھماکوں کے بعد ممبئی ، کولکتہ، بنگلور اور چنئی جیسے دوسرے بڑے شہروں میں بھی سکیورٹی انتظامات سخت کر دیئے گئے ہيں۔ سیکورٹی اہلکاروں نے کہا ہے کہ دھماکوں میں لشکرِ طیبہ کا ہاتھ ہو سکتا ہے مگر اعلیٰ سطح پر کسی کو ذمہ دار نہیں ٹھہرایا گیا اور نہ کسی نے دھماکوں کی ذمہ داری قبول کی ہے۔ دلی میں پولیس نے کہا ہے کہ کافی لوگ حراست میں لیے گئے ہیں۔ پاکستان نے دھماکوں کو وحشیانہ جرائم قرار دیا ہے۔ بھارتی وزیرِاعظم منموہن سنگھ نے ،جو گزشتہ رات کلکتے کا دورہ مختصر کر کے واپس دہلی پہنچے تھے، دھماکوں کو دہشت گردوں کی کارروائی قرار دیتے ہوئے عوام سے اپیل کی ہے کہ وہ پر سکون رہیں۔ ان کا کہنا تھا کہ یہ معصوم لوگوں کے خلاف یہ ایک بزدلانہ کارروائی ہے۔ انہوں نے اپنی ہنگامی طور پر اپنی کابینہ کے اہم ارکان کی ایک اجلاس کی صدارت بھی کی ہے۔ امریکہ، برطانیہ، چین، فرانس اور بنگلہ دیش نے بم حملوں کی شدید مذمت کی ہے۔ دھماکے ایسے وقت میں ہوئے جب لوگ دیوالی، اور عید کی شاپنگ کر رہے تھے اور بازاروں میں گاہکوں کا ایک ہجوم تھا۔ دو دھماکے یکے بعد دیگرے ہوئے جبکہ تیسرا دھماکہ ایک بس میں ہوا۔
کئی ممالک نے بھارت میں ہونے والے ان حملوں کی شدید مذمت کی ہے۔ پاکستان کے دفترِ خارجہ کی ترجمان کا کہنا ہے کہ پاکستان شدید ترین الفاظ میں ان دھماکوں کی مذمت کرتا ہے۔ انہوں نے کہا کہ پاکستان کے عوام کی ہمدردیاں ان لوگوں کے لواحقین کے ساتھ ہیں جنہیں دیوالی اور عید کی شاپنگ کے دوران خون میں نہلا دیا گیا۔ عینی شاہدین نے دھماکوں کے ہولناک مناظر کا ذکر کرتے ہوئے بتایا کہ دھماکوں کے بعد ہر طرف خون میں لت پت لاشیں بکھری پڑی تھیں۔ اروجنی نگر میں بی بی سی کے نامہ نگار پال دنہر کے مطابق جائے حادثہ سے سوختہ لاشوں کو لے جاتے ہوئے دیکھا گیا ہے اور امدادی عملہ دکانوں اور مکانات کے ملبے میں سے زخمیوں اور مرنے والوں کو تلاش کر رہا تھا۔ ایک عینی شاہد ارون گپتا نے بی بی سی کو بتایا کہ وہ پہاڑ گنج میں ہونے بم دھماکے سے صرف ایک سو پچاس فٹ کے فاصلے پر تھے۔ یہ علاقہ سیاحوں میں بہت مشہور ہے۔ ارون گپتا نے بتایا کہ دھماکے کی آواز سے وہ ششدر رہ گئے اور زمین پر لیٹ گئے۔ جب تھوڑی دیر میں دھواں چھٹا تو انہوں نے لوگوں کو ہر طرف بھاگتے ہوئے دیکھا۔ پہلا دھماکہ نئی دلی ریلوے سٹیشن سے تھوڑی دور پہاڑ گنج کے علاقے میں ہوا۔ دوسرا دھماکہ سروجنی نگر میں ہوا جہاں دھماکے کے بعد عمارتوں میں آگ لگ گئی جہاں سب زیادہ جانی نقصان ہوا ہے۔ اطلاعات کے مطابق تیسرا دھماکہ گووند پوری کے علاقے میں ایک بس میں ہوا جس میں کم سے کم تین لوگ ہلاک ہوئے ہیں۔ بعض خبروں کے مطابق پولیس کو پہلے ہی شک تھا کہ دلی میں تخریبی کاروائیاں ہو سکتی ہیں۔ |  اسی بارے میں  دلی دھماکوں کی وڈیو29 October, 2005 | انڈیا بھارت: ٹرین حادثہ، 100 ہلاک29 October, 2005 | انڈیا آندھرا میں دھماکہ، بیس زخمی09 August, 2005 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
