 | | | بہار میں پہلے انتخابات کے بعد مختلف جماعتوں پر اتحاد بنانے کے لیے ہارس ٹریڈنگ کا الزام لگا تھا |
بھارت کی ریاست بہار میں منگل کو ریاستی اسمبلی کے اہم انتخابات میں ووٹ ڈالے جا رہے ہیں۔ بہار میں یہ ایک سال میں ہونے والے دوسرے انتخابات ہیں۔ ریاست میں اس سے پہلے فروری میں انتخابات ہوئے تھے لیکن کسی سیاسی جماعت کو واضح برتری حاصل نہیں ہوئی تھی۔ پانچ مرحلوں پر مشتمل ان انتخابات کے پہلے مرحلے میں اسمبلی کی دو سو تینتالیس میں سے ستاون نشستوں کے لیے ووٹ ڈالے جائیں گے۔ انتخابات کے لیے سخت حفاظتی انتظامات کیے گئے ہیں۔ جعلی ووٹنگ روکنے کے لیے مختلف مقامات پر چار ہزار ڈجیٹل کیمرے نصب کیے گئے ہیں۔ نوے ہزار سیکیورٹی اہلکار اور ستر ہزار الیکشن کمشن کے اہلکار اس موقع پر ڈیوٹی پر موجود رہیں گے۔ نامہ نگاروں کا کہنا ان انتخابات ریاست کی چند بڑی سیاسی شخصیات کی قسمت کا فیصلہ ہوگا جن میں سابق وزیر اعلیٰ لالو پرساد یادو بھی شامل ہیں۔ | 
یہ صفحہ دوست کو ای میل کیجیئے
پرِنٹ کریں
