بھارتی یومِ آزادی کے قریب آتے ہی پرتشدد کارروائیوں میں تیزی آ گئی ہے

جموں کے شمال میں ایک سو ساٹھ کلومیٹر کے فاصلے پر سجرو نامی گاؤں میں ہونے والے اس حملے میں نو افراد زخمی بھی ہوئے جن میں سے تین کی حالت نازک بتائی جاتی ہے۔

پولیس حکام کا کہنا ہے کہ اس ہندو خاندان پر اس وقت حملہ کیا گیا جب وہ کھانا کھانے کے لیے جمع تھے۔ اس حملے کے دوران بندوقوں اور گرینیڈوں کا استعمال کیا گیا۔

علاقے کے ڈی آئی جی ستبیر گپتا کا کہنا ہے کہ اس حملے میں دو ہندو خاندانوں کو نشانہ بنایا گیا۔ایسوسی ایٹڈ پریس کے مطابق انہوں نے ان حملوں کا ذمہ دار پاکستانی نژاد مسلح گروہوں کو ٹھہرایا۔

ایک گمنام پولیس افسر نے خبر رساں ادارے رائٹرز کو بتایا ہے کہ جن افراد پر حملہ کیا گیا وہ گاؤں کی حفاظتی کمیٹی کے اراکین تھے۔

کشمیر میں بھارت کے یومِ آزادی کے قریب آتے ہی تشدد کی کارروائیوں میں تیزی آ گئی ہے۔