صلاح الدین بی بی سی اردو ڈاٹ کام، دلی

سپاہیوں کی جانب سے اپنے افسران پر فائرنگ کے متعدد واقعات ہو چکے ہیں

فوجی ترجمان کے مطابق گزشتہ رات شروع ہونے والی یہ جھڑپ ابھی بھی جاری ہے۔

یہ واقعہ باندی پورہ علاقے میں اجار نامی ایک گاؤں کے پاس ہوا ہے۔ فوجی ترجمان کا کہنا ہے کہ ہلاک ہونے والے انتہا پسند کا تعلق جیش محمد سے تھا۔

ایک دوسرے واقعے میں ہفتے کی صبح کو فوجی چیک پوسٹ کے پاس ایک کار دھماکے سے اڑا گئی لیکن اس سے کوئی جانی نقصان نہیں ہوا ہے۔

فوج کے مطابق ایک مشتبہ شخص نے اپنی کار ان فوجیوں کے پاس کھڑی کی تھی جو روڈ پرگاڑیوں کی تلاشی لے رہے تھے۔

فوج کے مطابق اس شخص نے بھاگتے ہوئے گاڑی پر ‌فائر کیا اور وہ دھماکے سے اڑ گئی۔ لیکن وہ فرار ہونے میں کامیاب ہوگیا۔

فوج نے اس علاقے کو اپنے محاصرے میں لے لیا ہے اور اسکی تلاش جاری ہے۔

لیکن سری نگر میں بی بی سی کے نامہ نگار الطاف حسین کا کہنا ہے کہ ایک شخص نے فون پر جیش محمد کا ترجمان کہ کر بتایا ہے کہ کار کا ڈرائیور ایک خود کش بمبار تھا جو دھماکے کے ساتھ ہی ہلاک ہوگیا ہے۔ اس نے مذکورہ فدائین کا نام مبشر احمد بتایا ہے۔اس کے مطابق مبشر کا تعلق پاکستان کے زیر انتظام کشمیر سے تھا۔

ُ