سری نگر اور مظفرآباد کے درمیان بس سروس 7 اپریل سے شروع ہوگی

پاکستان اور بھارت کے زیر انتظام کشمیر کے دونوں حصوں کے درمیان پچپن سال بعد سات اپریل کو بس سروس دوبارہ شروع کی جا رہی ہے۔

جموں کی حکومت نے دس کشمیری رہنماؤں کی ایک فہرست پاکستان کو بھیجی تاکہ وہ بس کے آغاز کے موقع پر سفر کر سکیں۔ ان رہنماؤں میں ڈپٹی وزیر اعلیٰ منگت رام شرما اور حزب اختلاف کے رہنما عمر عبداللہ بھی شامل ہیں۔

سنیچر کے اجلاس میں حزب اختلاف نے پاکستان کے اس اقدام کو ’ریاست کے منتخب اراکین کی توہین‘ قرار دیا۔ اس ہنگامے کی وجہ سے جموں کشمیر کے وزیر اعلیٰ مفتی محمد سید کو مجبوراً ایک بیان دینا پڑا جس میں انہوں نے پاکستان کے اس فیصلے کو ’بدقسمتی‘ قرار دیا اور کہا کہ اس سے پاکستانی حکومت کی بے بسی ظاہر ہوتی ہے۔ انہوں نے کہا کہ اگر دیکھا جائے تو بس سروس سے کشمیری مسئلہ کے حل کے لیے ایک اچھا اثر پڑے گا۔

تاہم حزب اختلاف اس بیان سے مطمئن نہیں ہوئی جس کی وجہ سے اجلاس ملتوی کرنا پڑا۔