گزشتہ دس سالوں میں کسانوں کی حالت نہیں بدلی

اس پیکج میں ان کے قرضوں کی ادائیگی اور نئے کاروبار کے لئے پیسے دینا شامل ہے۔

سرکاری اعدادوشمار کے مطابق گزشتہ چھ سالوں میں تقریباً چھ سو کسانوں نے خودکشی کر لی تھی لیکن آندھرا پردیش کے نئے وزیرِ اعلیٰ وائے ایس راجہ شیکھر ریڈی کا کہنا ہے کہ صحیح تعداد چھ ہزار کے قریب ہے۔

اس کے علاوہ ان کسانوں کو مشاورت اور مختلف قسم کی مدد بھی فراہم کی جائے گی جو برے حالات میں رہ رہے ہیں۔

اس سے پہلے کی آندھراپردیش کی حکومت نے خوراک پر رعائتیں کم کر دی تھیں اور دیہی شعبے کی ترقی کے لئے خرچ بھی کم کر دیا تھا۔

گزشتہ دس سال سے آندھراپردیش پر بی جے پی کی اتحادی تیلیگودیشم پارٹی کی حکومت تھی جسے اب انتخابات میں شکست ہوئی ہے۔