 |  بھارتی کشمیر میں فوجی چھاپہ مار کارروائی کے دوران |
بھارت کے زیر انتظام کشمیر میں ایک انتخابی ریلی پر عسکریت پسندوں کے حملے میں سینئر کانگریسی رہنما اور بارہ مولا سے جماعت کے امیدوار غلام رسول کار بال بال بچ گئے۔ مسٹر کار انتخابی ریلی سے خطاب کرنے کے لئے کھڑے ہوئے ہی تھے کہ جنگجوؤں نے ان پر فائرنگ شروع کردی۔ ایک قریبی کیمپ میں موجود فوج نے فوراّ جوابی فائر کیا۔ بعد ازاں مسٹر کار نے اسی فوجی کیمپ میں پناہ لی۔ اس واقع میں کوئی شخص زخمی نہیں ہوا۔ پولیس کے مطابق حملے کے وقت ریلی میں صرف ستر سے اسی افراد موجود تھے۔ پچھلے ہفتے بھی بھارت کے زیر انتظام کشمیر میں عسکریت پسندوں کے سرحدی ضلع اُڑی میں کشمیر کی حکمراں جماعت پییلز ڈیمو کریٹک پارٹی کی ایک انتخابی ریلی پر دستی بم کے حملے میں گیارہ افراد ہلاک ہوگئے تھے۔ اس حملے میں پیپلز ڈیموکریٹک پارٹی کی صدر بال بال بچ گئیں تھیں تاہم ریاست کے وزیر خزانہ مظفر حسین بیگ اور وزیر سیاحت غلام حسن میر زخمی ہوگئے تھے۔
| 
یہ صفحہ دوست کو ای میل کیجیئے
پرِنٹ کریں
