اعتدال پسند کشمیریوں کی جنگ بندی کی اپیل

سرینگر میں پولیس نے بتایا کہ اہم عسکریت پسند رہنما اور العمر مجاہدین نامی تنظیم کے اعلیٰ رکن رفیق احمد ڈار پولیس کے ساتھ فائرنگ کے تبادلے میں ہلاک ہوئے۔

رفیق احمد ڈار گزشتہ چار ہفتوں میں بھارت کے زیر انتظام کشمیر میں ہلاک ہونے والے چوتھے اہم عسکریت پسند رہنما ہیں۔

تفصیلات کے مطابق بانڈیپورہ میں چھ عسکریت پسند اور ایک فوجی ہلاک ہوا۔ پونچھ میں تین عسکریت پسند اور تین فوجی ہلاک جبکہ ایک فوجی زخمی ہوا۔

ایک بھارتی فوجی راجوڑی میں ہلاک ہوا۔ اس کے علاوہ اُدم پور کے علاقے میں قاسم علی نامی ایک شہری ہلاک ہوگیا۔

بھارتی حکومت اور کشمیری عسکریت پسندوں نے ان اعتدال پسند کشمیری رہنماؤں کی جنہوں نے گزشتہ ہفتے بھارت کے نائب وزیر اعظم لال کرشن اڈوانی سے ملاقات کی تھی جنگ بندی کی اپیل مسترد کر دی ہے۔