کرسچیئن بیل نے ایواڈ آنجہانی ہیتھ لیجر کے نام کر دیا

امریکی عوام آن لائن ووٹنگ کے ذریعے ’پیپلز چوائس ایوارڈ‘ کا انتخاب کرتے ہیں۔

’دا ڈراک نائٹ‘ کو ان ایوارڈز میں پانچ شعبوں میں ہی نامزد کیا گیا تھا اور اس نے وہ تمام ایوارڈ حاصل کر لیے۔ ڈراک نائٹ کو بہترین فلم، بہترین ایکشن فلم، سپر ہیرو، بہترین کاسٹ کے ایوارڈ ملے۔

فلم میں بیٹ مین کا کردار ادا کرنے والے کرسچیئن بیل اور ’جوکر‘ نامی ولن کا کردار ادا کرنے والے آنجہانی آسٹریلوی اداکار ہیتھ لیجر کو بہترین اداکار جوڑی قرار دیا گیا۔

ایوارڈ وصول کرنے کے بعد کرسچیئن بیل نے اسے آنجہانی ہیتھ لیجر کے نام کر دیا۔ ان کا کہنا تھا کہ’میں تمام کاسٹ کی طرف سے اپنے مداحوں کا شکرگزار ہوں۔ یہ ایوارڈ میں ہیتھ کے نام کرتا ہوں‘۔

دیگر ایوارڈز میں ول سمتھ کو بہترین فلمی اور ایکشن اداکار جبکہ آسکر ایوارڈ یافتہ ریز ویدرسپون کو بہترین فلمی اداکارہ جبکہ انجلینا جولی کو بہترین ایکشن اداکارہ چنا گیا۔ بریڈ پٹ اور کیٹ ہڈسن بالترتیب ’لیڈنگ مین‘ اور ’لیڈنگ لیڈی‘ قرار پائے۔