مائکل مور صدارتی انتخاب میں باراک اوبامہ کی حمایات کررہے ہیں۔

’سلیکر اپرائزنگ‘ شمالی امریکہ میں تئیس ستمبر سے تین ہفتوں کے لیے ڈاؤن لوڈ کرنے کے لیے دستیاب ہوگی۔

مائیکل مور ’فارن ہائٹ نائن الیون‘ جیسی متنازعہ لیکن کامیاب فلم کے خالق ہیں اور ان کا کہنا ہے کہ وہ فلموں کی دنیا میں اپنے بیس برس مکمل ہونےکے موقع پر شائقین کو اپنی نئی دستاویزی فلم مفت دیکھنے کا موقع دینا چاہتے ہیں۔

یہ فلم امریکہ میں سن دو ہزار چار کے صدارتی انتخابات کے دوران لوگوں کو ووٹ ڈالنے پر مائل کرنے کے لیے مائیکل مور کی جانب سے کی جانے والی کوششوں پر مبنی ہے۔ مور نے مہم کے دوران پورے ملک کا دورہ کیا تھا۔

مور نے کہا کہ انہوں نے یہ فلم سنیما گھروں میں ریلیز کرنے پر بھی غور کیا تھا لیکن اس نتیجے پر پہنچے کہ انٹرنیٹ کے ذریعے وہ لوگوں تک ووٹ ڈالنے کا اپنا پیغام بہتر طور پر پہنچا سکتے ہیں۔

اس سے قبل مور نے گزشتہ برس امریکہ کہ حفظان صحت کے نظام پر فلم بنائی تھی جسے آسکر انعام کے لیے نامزد کیا گیا تھا۔ انہوں نے آسکر انعام سن دو ہزار دو میں جیتا تھا۔