انجلینا نے تین بچوں کوگود لیا ہوا ہے

نیس میں لینوال ہسپتال نے ایک مقامی اخبار کو بتایا ہے کہ سنیچر کو آپریشن کے بعد انجیلینا نے ایک صحت مند لڑکے اور لڑکی کو جنم دیا ہے۔

اخبار کے مطابق جولی اور ان کے پارٹنر بریڈ پیٹ نے لڑکے کا نام نوکس لیون اور لڑکی کا نام ووین مرچیلائن رکھا ہے۔

انجلینا اور بریڈ کی نئی بیٹی کا نام انجلینا کی ماں کے نام پر ہے جو ایک اداکارہ تھیں اور گزشتہ برس کینسر سے ان کا انتقال ہو گیا تھا۔

ڈاکٹر کے مطابق ماں اور بچے دونوں ہی صحت مند ہیں۔بچوں کی پیدائش کے وقت انجلینا کے پارٹنر بریڈ پیٹ موجود تھے۔

ان بچوں سے پہلے انجلینا اور بریڈ پیٹ کی ایک اور بیٹی شیلوح بھی ہے جو 2006 میں پیدا ہوئی تھی۔ اس کے علاوہ انجلینا اور بریڈ نے کمبوڈیا، ایتھیوپیا اور ویتنام سے تعلق رکھنے والے تین بچے گود لے رکھے ہیں۔