اسد علی بی بی سی اردو ڈاٹ کام لندن

	فِلم بزرگ شاعر کی زندگی کے بارے میں پہلی بڑی کاوش ہو سکتی ہے

مبصرین نے کہا کہ اب تک وارث شاہ کی زندگی کو فِلم بند کرنے کی کسی بڑی کاوش کا ذکر نہیں کیا جا سکتا اور یہ فِلم شاید ایسی پہلی کوشش ہے۔

’وارث شاہ: عشق دا وارث‘ کی تصویری جھلکیاں

منوج پنج نے فِلم کا تعارف کرواتے ہوئے کہا کہ ’وارث شاہ: عشق دا وارث‘ عظیم بزرگ شاعر کی زندگی کی عکاسی کرنے کی ایک عاجزانہ کوشش ہے۔ انہوں نے کہ فِلم میں وارث شاہ کی زندگی اور وہ حالات دکھائے ہیں جن میں انہوں نے ’ہیر رانجھا‘ لکھی تھی۔

پنج نے کہا کہ فِلم میں دکھایا گیا ہے کہ کیسے وارث شاہ کی زندگی کے واقعات کی عکاسی ’ہیر وارث شاہ‘ میں ہوتی ہے۔

فلم سازوں نے کہا کہ وارث شاہ نے اس زمانے میں موسیقی کو مقبول کیا جب مغلیہ سلطنت کے آخری دور میں حکمران اس کو اچھا نہیں سمجھتے تھے۔

فلم سازوں کا کہنا ہے کہ فِلم کے لیئے ضروری تھا کہ ایسا شہر بسایا جائے جو اٹھارویں صدی کا منظر پیش کرتا ہو۔ اس کے لیئے پنجاب کے ضلع روپ نگر کو چنا گیا۔ ان کا کہنا ہے کہ سیٹ کے لیئے اصل درخت لگائے گئے اور بغص اوقات سیٹ دیکھنے کے لیئے آنے والے وہاں بنی مسجد میں داخل ہونے سے پہلے اپنے جوتے بھی اتار دیتے تھے۔

توقع کی جا رہی کہ فِلم پاکستانی پنجاب کے باسیوں میں بھی مقبول ہوگی جہاں سے وارث شاہ کا تعلق تھا۔