پائیریٹس نے پچھلے ریکارڈ توڑ دیئے

شمالی امریکہ میں پائیریٹس آف کیریبین کے دوسرے حصے’پائیریٹس آف دی کیریبئن: دی ڈیڈ مین چیسٹ‘ نے تین ہفتوں میں تین سو ملین ڈالر کا کاروبار کر کے تاریخ میں اپنا نام شامل کردیا۔

’پائریٹس آف کریبین: ڈیڈ مینز چسٹ‘ کی پہلے دن کی ایڈوانس بکنگ نے بھی ایک نیا ریکارڈ قائم کیا اور ایک ملین پاؤنڈ کی حد کو چھو لیا۔

اس فلم میں جونی ڈیپ اور کیارا نائٹلے نے مرکزی کردار ادا کیئے ہیں۔

پائریٹس کے اس سلسلے کی پہلی فلم ’پائریٹس آف دی کریبین: دی کروز آف دی بلیک پرل‘ نے 654 ملین ڈالر یا 353 ملین پاؤنڈ کا کاروبار کیا تھا۔

اس سلسلے میں فلم مونسٹرہاؤس دوسرے نمبر پر رہی۔ٹاپ ٹین میں کلرک ٹو، مائی سوپر ایکس گرل فرینڈ اور مونسٹر ہاؤس بھی شامل رہیں۔مونسٹر ہاؤس بچوں کی پسندیدہ فلم رہی۔لیڈی اِن دا واٹر نے صرف اٹھارہ ملین ڈالر کمائے۔

اس سے پہلے ’پائریٹس آف کریبین‘ نے اجراء کے دن 3۔2 ملین پاؤنڈ کا بزنس کیا ہے جو برطانیہ میں ڈزنیز کا ریکارڈ بزنس ہے۔

امریکہ میں یہ فلم پہلے دن، چار ہزار ایک سو تینتیس سنیما گھروں میں لگی ہے اور اس اعتبار سے امریکہ میں اب تک سپائڈر مین-2 اور شارک - 2 کے بعد اتنے بڑے پیمانے پر ریلیز کی جانے والی تیسری فلم ہے۔