سمپسنز دنیا کے کئی ممالک میں مقبول سیریز ہے

اس فلم کو جولائی دو ہزار سات میں امریکہ میں ریلیز کیا جائے گا۔

’آئیس ایج: دی میلٹ ڈاؤن‘ کی سکریننگ کے دوران امریکی فلم بینوں کو سمپسنز کا پچیس سیکنڈ کا ٹریلر بھی دکھایا گیا۔

ٹریلر میں ہومر سمپسنز کو صرف جانگیہ پہنے ہوئے دکھایا گیا جنہوں نے آتے ہی کہا کہ ’میں بھول گیا ہوں کہ میں نے کیا کہنا تھا‘۔

سمپسنز کی کہانی ایک شخص ہومر اور اس کے کھڑے بالوں والے بیٹے بارٹ کے گرد گھومتی ہے۔

یہ امریکی ٹی وی پر پرائم ٹائم اینٹرٹینمنٹ سیریز کے سلسلے میں سب سے لمبے عرصے تک چلنے والی اینیمیٹڈ فلم ہے۔ سمپسنز کی مقبولیت دنیا بھر میں ہے۔

گزشتہ مہینے امریکی نیٹ ورک فوکس نے کہا تھا کہ سمپسنز کی دو مزید سیریز بنیں گی۔ جس کا مطلب ہے کہ سمپسنز کم از کم سن دو ہزار آٹھ تک ضرور ٹی وی پر دکھائی جاتے رہیں گے۔

سمپسنز کے خالق میٹ گروئننگ نے کہا کہ جب تک وہ اور ان کے رفقاء نئے آئیڈیاز لاتے رہیں گے یہ اینیمیٹڈ فلم مقبول رہے گی۔