پروگرام سے حاصل ہونے والی رقم امریکی ریڈ کراس اور سالویشن آرمی کو دی جائے گی

اے بی سی، سی بی ایس، این بی سی، فوکس، یو پی این اور ڈبلیو بی چینلوں نے اس پروگرام کو دیگر کیبل چینلوں کے ساتھ ٹیلی کاسٹ کیا۔

ایک گھنٹے طویل اس پروگرام میں یو2، شیرل کرو، ڈکسی چکس اور ریپ گلوکار کین ویسٹ نے نیویارک اور لاس اینجلس میں اپنے فن کا مظاہرہ کیا۔

رینڈی نیومین نےاس پروگرام کا آغاز لیوزی آنا 1927 نامی گانے سے کیا۔ یہ گانا کترینا سے متاثرہ علاقے میں آنے والے ایک پچھلے طوفان کے بارے میں لکھا گیا تھا۔

اداکارہ جینیفر آنسٹن، کیمرون ڈیاز، ایلن ڈیجینرز اور اداکار جیک نکلسن نے بھی اس پروگرام میں شرکت کی اور امریکی عوام سے امداد کی اپیل کی۔

اس پروگرام سے حاصل ہونے والی رقم امریکی ریڈ کراس اور سالویشن آرمی کو دی جائے گی۔