فارن ہائٹ 11/9 کے ہدایتکار مائیکل مور

مائیکل مور اپنی اس نئی فلم میں عراق میں ہونے والی جنگ کی حمایت میں ٹونی بلیئر کی طرف سے ادا کیے گئے کردار کا گہرا جائزہ لینا چاہتے ہیں۔

انہوں نے ایک حالیہ انٹرویو میں کہا کہ ان کی نگاہ میں ٹونی بلیئر ’صدر بش کے مقابلے میں عراقی جنگ کے زیادہ ذمہ دار ہیں۔‘

خبر رساں ادارے رائٹرز سے گفتگو کرتے ہوئے مائیکل مور نے کہا کہ ’بلیئر کو زیادہ سمجھ ہے۔ بلیئر بےوقوف نہیں ہیں۔ وہ اس شخص (صدر بش) سے کیوں ملے ہوئے ہیں؟‘

فارن ہائٹ 11/9 پچیس مئی کو امریکہ میں نمائش کے لیے پیش کی جا رہی ہے۔ یہ فلم اس برس ہونے والے کانز فلمی میلے میں پہلے ہی پام دوغ ایوارڈ حاصل کر چکی ہے۔

مائیکل مور نے فلم کے لیے دکھی والدین سے انٹرویو بھی کیے

اس فلم میں عراقی جنگ کے علاوہ بش خاندان اور اسامہ بن لادن کے درمیان مبینہ تعلقات کو اجاگر کیا گیا ہے۔

فلم فارن ہائٹ 11/9 میں دعویٰ کیا گیا ہے کہ صدر بش نے غیر مصدقہ معلومات اور خوف کے سبب امریکہ کو عراق مخالف جنگ میں دھکیلا۔

ڈزنی نامی فلم ڈسٹریبیوشن کمپنی نے فارن ہائٹ 11/9 کی تقسیم سے انکار کر دیا تھا جس میں گیارہ ستمبر کے واقعات پر صدر بش کے ردِ عمل کو بھی تنقید کا نشانہ بنایا گیا ہے۔

تاہم ڈزنی ہی کی ذیلی کمپنی میرامیکس نے دو دیگر کمپنیوں سے معاہدے کے بعد دستاویزی فلم فارن ہائٹ 11/9 ریلیز کر دی ہے۔