سیف اللہ لاہور

ریما نے حال ہی میں بھارت کا دورہ کیا ہے اور بالی وڈ کی کئی ممتاز شخصیات سے ملی ہیں

اگرچہ اس موضوع پر بحث کا آغاز تو دو ماہ قبل ہندوستانی فلمساز ساون کمار کے قیادت میں ایک وفد کی پاکستان آمد کے اعلان کے ساتھ ہی ہو گیا تھا لیکن اس میں شدت فلمساز امجد فرزند کی قیادت میں ایک بیس رکنی پاکستانی وفد کی بھارت روانگی سے آئی۔

اس وفد میں سجاد گل، جمشید ظفر، شوکت زمان، سنگیتہ، اداکار و ہدایتکار شان، اداکار و ہدایتکار جاوید شیخ شامل ہیں۔

جیسا ہی اس وفد نے ہندوستان جانے کا اعلان کیا تو مووی آرٹسٹ ایسوسی ایشن کے چیئرمین یوسف خان، فلم ڈائریکٹر ایسوسی ایشن کے چیئرمین اسلم ڈار، ایم پی اے اور فلم پروڈیوسرز ایسوسی ایشن کے سابق چیئرمین احد ملک، فلم ساز اور تقسیم کار سہیل سمیت پر مشتمل ایک متحارب دھڑا سامنے آ گیا جس نے بھارت کے ساتھ فلمی کاروبار کو سخت کا نشانہ بنایا۔

لالی وڈ کے ایک دھڑے کا خیال ہے کہ بھارتی فلمیں سنیما گھروں کی رونق واپس لا سکتی ہیں

الطاف حسین نےتو یہاں تک کہہ دیا کہ اگر دونوں ثقافتوں کو یکجا ہی کرنا تھا تو الگ ملک بنانے کی کیا ضرورت تھی؟

دوسری طرف بھارت کا دورہ کرنے والے گروپ کا موقف ہے کہ حالیہ دورے میں مشترکہ فلمسازی یا فلمی کاروبار کے حوالے سے کوئی بات نہیں ہوئی بلکہ ان کے دورے کا اصل مقصد ممبئی میں پندرہ سے سترہ مارچ تک منعقد ہونے والے گلوبل انٹرٹینمنٹ کنونشن میں شرکت تھا۔

اس گروپ کے مطابق جہاں تک بھارت کے ساتھ مشترکہ فلمسازی کا تعلق ہے تو وہ حکومت پاکستان کی جانب سے کوئی واضح پالیسی مرتب کئے جانے کے بعد ہی ممکن ہو سکے گا۔

اداکارہ میرا بھارتی فلم ’نگاہیں‘ میں کام کر رہی ہیں

وفد کے چیئرمین میاں امجد فرزند نے اپنے دورے کو ایک کامیاب دورہ قرار دے رہے ہیں۔

ہندوستان سے موصول ہونے والی اطلاعات کے مطابق پاکستانی وفد کا ممبئی میں پرجوش خیرمقدم کیا گیا۔

ائیرپورٹ پر ہیما مالنی، دھرمندر اور یش چوپڑا سمیت بڑی تعداد میں لوگوں نے استقبال کیا۔

بعد ازاں ہیما مالنی اور دھرمیندر اور یش چوپڑا نے بھی عشاییے پر مدعو کیا جس میں بڑی تعداد میں فلمی شخصیات نے شرکت کی۔