امریکی گلوکار جارج مائیکل

کہا جا رہا ہے کہ جارج مائیکل نے یہ فیصلہ اپنی نئی البم ”پیشنس" یعنی ”صبر" کو پروموٹ کرنے کے لیۓ کیا ہے۔ جسکے بارے میں جارج مائیکل کا کہنا ہے کہ یہ ان کی آخری البم ہوگی۔

کروڑ پتی گلو کار نے کہا کہ وہ اب فروخت کرنے کی غرض سے کوئی نئی البم نہیں بنائیں گے۔ کیونکہ بقول جارج مائیکل نہ تو اب انہیں پیسے کی ضرورت ہے اور نہ ہی شہرت کی۔

ان کے مداحوں کو یہ اختیار دیا جاۓ گا کے اگر وہ کوئی گانا دوسرے کمپیوٹر سے اپنے کمپیوٹر میں ڈاؤن لوڈ کرتے ہیں تو ان کو کچھ رقم بطور عطیہ دینا ہوگی جو کسی خیراتی ادارے کو منتقل کر دی جاۓ گی۔

انہوں نے مزید کہا کہ ان کو امید ہے کے لوگ نہ صرف ان کے گانے ڈاؤن لوڈ کریں گے بلکہ ان کے پسندیدہ خیراتی اداروں کو عطیے بھی دیں گے۔

اپنے فیصلے کے بارے میں بی بی سی ریڈیو ون سے بات کرتے ہوۓ ان کا کہنا تھا کہ مجھے یقین ہے کہ یہ فیصلہ اب تک کسی ایسے گلو کار نے نہیں کیا ہو گا جس کے ریکارڈ آج بھی بک رہے ہوں۔