غلطی سے دو منٹ کے لیے مِس یونیورس کا تاج
،تصویر کا ذریعہReuters
ایک چھوٹی سی بھول کے بعد فلپائن کی اداکارہ، ماڈل اور مس فلپائن پیا الونزو ورٹزباخ کو حسینۂ کائنات منتخب کیا گیا ہے۔
امریکہ کے شہر لاس ویگس میں مس یونیورس کا 64واں مقابلۂ حسن یکے بعد دیگرے کئی حادثات کے بعد اتوار کی شب کو مکمل ہوا۔
<link type="page"><caption> سپین کی لالہ گنا رویو نئی حسینہِ عالم</caption><url href="http://www.bbc.com/urdu/entertainment/2015/12/151220_lalaguna_miss_world_2015_mb.shtml" platform="highweb"/></link>
<link type="page"><caption> ’میں تو تاج واپس نہیں کروں گی‘</caption><url href="http://www.bbc.com/urdu/entertainment/2015/07/150707_miss_universe_trump_row_zs.shtml" platform="highweb"/></link>
حسن کے مقابلۂ کائنات کے میزبان نے غلطی سے پہلے مس کولمبیا کے نام کا اعلان کر دیا تھا۔
مس کولمبیا ابھی اپنی خوشی کا پورے طور پر اظہار بھی نہیں کر پائی تھیں اور اپنے مداح کا شکریہ ہی ادا کر ہی رہی تھیں کہ انھیں یہ بتایا گیا کہ وہ مس یونیورس نہیں ہیں۔
اس کے بعد انھیں اپنا تاج اتارنا پڑا اور پھر اسے مس فلپائن کو پہنایا گیا جبکہ اوکلاہوما کی اولیویا جورڈن تیسرے مقام پر رہیں۔
،تصویر کا ذریعہReuters
اس سے قبل لاس ویگاس میں جس ہوٹل اور کسینو میں یہ مقابلہ جاری تھا اس کے باہر ایک موٹر کار پیدل چلنے والوں پر دوڑ گئی جس میں ایک شخص ہلاک اور 37 افراد زخمی ہو گئے۔
End of سب سے زیادہ پڑھی جانے والی
پولیس کا کہنا ہے پیرس ہوٹل اور پلینٹ ہالی وڈ کے احاطے میں کار کا یہ حادثہ دانستہ عمل ہو سکتا ہے اور اس کے بارے میں جانچ کی جا رہی ہے۔
مس کولمبیا 21 سالہ ارياڈنا گوٹيریز کے سر پر مس یونیورس کا تاج محض دو منٹ تک رہا کہ میزبان سٹیو ہاروے نے اعلان کیا کہ انھوں نے غلطی سے فاتح کے طور پر ان کے نام کا اعلان کر دیا تھا۔ انھوں نے اس کے لیے معافی بھی طلب کی۔
سٹیو ہاروے کو جب اپنی غلطی کا احساس ہوا تو انھوں نے کہا: ’دوستو، مجھے معاف کیجئے گا۔ دراصل مس کولمبیا فرسٹ رنرز اپ ہیں۔ فاتح نہیں۔‘
،تصویر کا ذریعہGetty
اس کے بعد کولمبیا کی ہی سابق ملکۂ کائنات پالينا ویگا نے مس کولمبیا کے سر سے تاج اتار کر مس فلپائن پیا الونزو کے سر پر سجا دیا۔
فاکس ٹی پر براہ راست نشر کیے جانے والی اس تقریب کو کروڑوں ناظرین نے دیکھا۔
بعد میں ٹوئٹر پر سٹیو ہاروی نے مس کولمبیا اور مس فلپائن دنوں سے معافی مانگی۔
جبکہ جرمنی اور فلپائن کی اداکارہ پیا الونزو نے اس غلطی کو اپنے انداز میں لیا۔ انھوں نے کہا: ’تاج پوشی کا یہ انتہائی غیر روایتی طریقہ تھا۔ یہ بالکل 2015 کی طرح تھا۔‘
اس غلطی کے بعد ٹوئٹر پر شدید بحث چھڑ گئی ہے اور لوگ سوشل میڈیا پر اس کے متعلق بے یقینی کے اظہار کے ساتھ لطیفے بھی پوسٹ کر رہے ہیں۔
بعض لوگوں نے اس غلطی کو مضحکہ خیز قرار دیا جبکہ کینیڈا کے مارک کرچ نے ٹویٹ کیا: اور فاتح ہیں، مس انفارمیشن۔
فیس بک کے صارفین نے مقابلۂ حسن کے آفیشیل صفحے پر اپنے خیالات پوسٹ کیے جسے تقریبا 40 ہزار بار شیئر کیا گیا جکہ دنیا بھر سے 11 ہزار کمنٹس آئے۔
لیمی کلف نے اس پر یہ پوسٹ کیا: یہ خراب طرح سے ہینڈل کیا گیا۔ ان دونوں پرشکوہ خواتین سے معافی مانگنی چاہیے کیونکہ یہ دونوں کے لیے خفت کا باعث تھا۔ میں حقیقی معنوں میں ان کے درد کو سمجھتا ہوں۔
