ڈنکی: تارکین وطن کی مشکلات پر مبنی شاہ رخ خان کی نئی فلم، جس میں پانچ دوست ہر قیمت پر انگلینڈ پہنچنا چاہتے ہیں
،تصویر کا ذریعہ@iamsrk
بالی ووڈ فلموں کے سپر سٹار کہلائے جانے والے شاہ رخ خان کی سال 2023 میں ریلیز ہونے والی فلموں ’پٹھان‘ اور ’جوان‘ کی شہرت ابھی تھمی نہیں کہ اب سال کے اختتام کے قریب اُن کی ریلیز ہونے والی فلم ’ڈنکی‘ نے دھوم مچا دی ہے، جسے آج دنیا بھر کے سنیما گھروں میں ریلیز کر دیا گیا ہے۔
’ڈنکی‘ کی کہانی پانچ ایسے دوستوں کے گرد گھومتی ہے جو اپنا مستقبل سنوارنے کے لیے لندن جا کر زندگی بسر کرنے کے خواہاں ہیں۔
اس فلم کی کاسٹ میں شاہ رخ خان کے ساتھ تاپسی پنو، وکی کوشل، دیا مرزا، بومن ایرانی، دھرمیندر سمیت دیگر اداکار بھی شامل ہیں۔
شاہ رخ اپنی اس فلم کے حوالے سے انتہائی پرجوش ہیں اور انھوں نے اس کی تشہیر کے لیے بین الاقوامی سطح پر مہم چلانے کے علاوہ سماجی رابطے کی ویب سائٹ ’ایکس‘ پر #AskSRK کے نام سے اپنے فینز کے سوالات کا جواب دینے کا خصوصی سیشن بھی رکھا۔
’ڈنکی‘ پانچ دوستوں کی کہانی
ہدایتکار راج کمار ہیرانی کی فلم ’ڈنکی‘ کی کہانی انڈین ریاست پنجاب سے شروع ہوتی ہے، جہاں دوستوں کا ایک گروپ گاؤں چھوڑ کر انگلینڈ جانے کا فیصلہ کرتا ہے لیکن قانونی طریقے سے وہاں جانے کا ان کا ابتدائی خواب ناکام ہو جاتا ہے اور وہ ’ڈنکی‘ کا راستہ اختیار کرنے کا فیصلہ کرتے ہیں۔
سابق فوجی افسر شاہ رخ خان (ہارڈی) ان کی رہنمائی کرتے ہیں۔ ہارڈی کی ملاقات فلم کے اہم کردار منو (تاپسی پنو)، بالی (انیل گروور) اور بگو (وکرم کوچر) سے ہوتی ہے۔ ان میں سے ہر شخص کے پاس لندن جانے کی اپنی وجوہات ہیں۔
فلم کے شروع میں خود ہارڈی کا ملک چھوڑنے کا کوئی ارادہ نہیں لیکن وہ منو سے محبت کر بیٹھتے ہیں اور ان کے ساتھ انگلینڈ جانے کا فیصلہ کرتے ہیں۔
دوستوں کا یہ گروپ پہلے ویزہ حاصل کرنے کے لیے بومن ایرانی سے انگریزی کی تعلیم حاصل کرتا ہے لیکن جب وہ اس کے امتحان میں ناکام ہو جاتے ہیں تو آخرکار ’ڈنکی‘ کے مشکل طریقے سے انگلینڈ کے سفر پر نکل جاتے ہیں۔
End of سب سے زیادہ پڑھی جانے والی
اس دوران وہ کئی ممالک کو عبور کرتے ہیں۔ وہ راستے میں اور اپنی منزل پر پہنچ کر متعدد چیلنجوں کا سامنا کرتے ہیں، جو کہ ’ڈنکی‘ کے عمل میں آنے والی مشکلات کی عکاسی کرتا ہے۔
واضح رہے کہ انڈیا کی ریاست پنجاب سے دیگر ملکوں میں ہجرت کئی دہائیوں سے عروج پر ہے لیکن حالیہ برسوں میں ریاست کو درپیش معاشی چیلنجوں کے وجہ سے بہت سے نوجوانوں نے مغربی ممالک کے بہتر معیشتوں کی طرف ہجرت کے لیے ’ڈنکی‘ کا خطرناک راستہ اختیار کیا۔
،تصویر کا ذریعہiamsrk
’ہم جہاں بھی ہوں وہ گھر بن جاتا ہے‘
اپنی اس فلم کے لیے شاہ رخ خان نے دو روز قبل دبئی میں ہونے والی پروموشن کے دوران کہا تھا کہ ’ڈنکی ان تمام لوگوں کے بارے میں ہے جو کام کی وجہ سے اپنا گھر چھوڑ کر کہیں اور گھر بنا چکے ہیں، جیسا کہ آپ لوگوں نے دبئی میں بنایا۔ ہم جہاں بھی ہوں وہ گھر بن جاتا ہے۔ یہ فلم اسی کہانی کو بیان کرتی ہے۔‘
سماجی رابطے کی ویب سائٹ ’ایکس‘ پر #AskSRK کے نام سے شاہ رخ خان کے سیشن میں جہاں فینز کو سپر سٹار سے فلم کے بارے میں جاننے کا موقع ملا وہیں شاہ رخ خان نے بہت دلچسپ انداز میں صارفین کے سوالوں کے جواب بھی دیے۔
اس منفرد انداز میں تشہیر نے فلم بینوں کے شوق کو مزید ہوا دی۔
ایک مداح نے شاہ رخ سے سوال کیا کہ ’آپ اپنے (چھوٹے بیٹے) ابرام کو کب یہ فلم دکھا رہے ہیں؟
اس کا جواب بھی شاہ رخ نے لکھا کہ ’ ابرام فلم دیکھ چکا ہے اور جب سے وہ مسلسل گنگنا رہا ہے ’آئی وانٹ ٹو گو ٹو لیویٹری‘۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
ایک اور صارف نے اسی حوالے سے پوچھا کہ شاہ رخ خان کی بیگم گوری کو ان کی فلم کیسی لگی؟ جس پر شاہ رخ نے جواب دیا کہ ’انھوں نے کہا ہے کہ یہ فلم فخر کے قابل ہے اور اس میں انھیں مزاح بہت پسند آیا۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
کئی فلم سٹارز بھی شاہ رخ خان کو اس فلم کے حوالے سے اپنی نیک تمناؤں سے آگاہ کرتے دکھائی دیے۔
اداکار سنیل شیٹی نے لکھا کہ ’ڈنکی کا بڑی سکرین پر جادو دیکھنے کے لیے مزید انتظار نہیں کر سکتا، فلم کی کاسٹ اور پوری ٹیم کے لیے دعاگو ہوں۔‘
اس کے جواب میں شاہ رخ خان نے سنیل شیٹی کا شکریہ ادا کرتے ہوئے لکھا کہ ’مجھے امید ہے آپ تھیٹر میں قہقہہ لگانے کے بعد روئیں گے بھی جیسا کہ راج کمار ہیرانی کی فلموں میں ہوتا ہے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
ایک صارف نے شاہ رخ خان کے دبئی کے بلند ٹاور پر لگے تشہیری بل بورڈز کی تصویر شیئر کرتے ہوئے لکھا کہ آپ کو دنیا کی بلند ترین عمارت پر یہ دیکھ کر کیسا لگ رہا ہے جس پر شاہ رخ خان نے لکھا کہ ’میں دنیا بھر کے تمام لوگوں کا بہت مشکور ہوں جنھوں نے مجھے ایک انٹرٹینر کے طور پر اتنا پیار دیا۔ ‘
