کرکٹ ورلڈ کپ 2019: بکنگھم پیلس کے باہر ’اوپننگ پارٹی‘ اور سرفراز کی شلوار قمیض
کرکٹ ورلڈ کپ 2019 کا آغاز تو جمعرات سے انگلینڈ میں ہو رہا ہے لیکن اس کی افتتاحی تقریب بدھ کی شام لندن میں بکنگھم پیلس کے سامنے واقع سڑک پر منعقد ہوئی۔
،تصویر کا ذریعہ@cricketworldcup
افتتاحی تقریب کو 'اوپننگ پارٹی' کا نام دیا گیا۔ اس تقریب میں چار ہزار افراد نے شرکت کی جن کا انتخاب قرعہ اندازی کے ذریعے کیا گیا تھا۔
یہ بھی پڑھیے
،تصویر کا ذریعہGetty Images
2015 کے ورلڈ کپ کی فاتح ٹیم کے کپتان مائیکل کلارک تقریب میں ورلڈ کپ ٹرافی کے ہمراہ آئے۔
اوپننگ پارٹی میں اس عالمی ایونٹ میں شریک دس ممالک کے موجودہ اور سابق کھلاڑیوں، نامور شخصیات اور فنکاروں نے شرکت کرتے ہوئے اپنے اپنے ملک کی نمائندگی کی۔
End of سب سے زیادہ پڑھی جانے والی
پاکستان کی جانب سے نوبیل انعام یافتہ سماجی کارکن اور طالبہ ملالہ یوسفزئی اور حال ہی میں سمرسٹ کو کاؤنٹی چیمپئن شپ جتوانے والے بلے باز اظہر علی تقریب میں شریک ہوئے۔
،تصویر کا ذریعہGetty Images
،تصویر کا ذریعہGetty Images
تقریب کے موقع پر بکنگھم پیلس کے باہر پاکستانیوں کی بڑی تعداد اپنی ٹیم کا حوصلہ بڑھانے کے لیے موجود تھی۔ چاچا کرکٹ بھی افتتاحی تقریب میں توجہ کا مرکز رہے۔
،تصویر کا ذریعہ@cricketworldcup
تقریب کا آغاز اس مقابلے میں شریک ٹیموں کے کپتانوں کی آمد سے ہوا۔ پاکستانی کپتان سرفراز احمد قومی لباس پہن کر تقریب میں شریک ہوئے۔
،تصویر کا ذریعہGetty Images
تقریب کی ایک خاص بات 60 سیکنڈز کرکٹ چیلنج بھی تھا جس میں انگلینڈ کی ٹیم فاتح رہی۔ انگلینڈ کی جانب سے سابق کرکٹر کیون پیٹرسن نے اپنے ملک کی نمائندگی کی۔انڈین ٹیم سابق کرکٹر اور کوچ انیل کمبلے اور اداکار فرحان اختر پر مشتمل تھی جبکہ آسٹریلیا کی جانب سے بریٹ لی اور پیٹ کیش میدان میں اترے۔
،تصویر کا ذریعہGetty Images
،تصویر کا ذریعہGetty Images
پیر کے روز مقابلے میں شریک ٹیموں کے کپتان ملکۂ برطانیہ سے ملاقات کے لیے بکنگھم پیلس بھی گئے۔
،تصویر کا ذریعہGetty Images
،تصویر کا ذریعہGetty Images
کرکٹ ورلڈ کپ 2019 میں پاکستان ہارے گا کس سے اور ہرائے گا کس کو، آئیں آپ ہمارے ساتھ پیش گوئیاں کریں۔
