ኢትዮጵያ፡ ፖለቲካዊ ምርድዳእ ንምስፋን ዝቐውም ኮሚሽን ዝመርሑ ሕጹያት ውልቀሰባት ተፈሊጦም

ነቲ ኣብ ኢትዮጵያ ፖለቲካዊ ምርድዳእ ንምፍጣር ዘሳልጥ ሃገራዊ ናይ ልዝብ ኮሚሽን ዝመርሑ 42 ሰባት መን ምዃኖም ባይቶ ወከልቲ ህዝቢ ኣፍሊጡ።

ህዝቢ ርእይቶታት ክህበሎም ድማ እቲ ባይቶ ጸዊዑ'ሎ።

ነቲ ኮሚሽን ዝመርሑ ውልቀሰባት ንምርካብ ኣስማት ናይ ምርቋሕ መስርሕ ከም ዝተኻየደ ይዝከር።

በዚ መሰረት፡ 632 ህጹያት ካብ ህዝቢ ከም ዝቐረቡን፡ ነቲ ኮሚሽን ንምምስራት ዝወጸ ኣዋጅ ዝደንገጎ ቅጥዕታት ኣብ ግምት ብምእው ክምረጹ ምዃኖም ተገሊጹ ነይሩ።

ደረጃ ትምህርቲን ተመክሮን ዝርከብዎም ረቛሒታት መሰረት ብምግባር ንኣማኸርቲ ብምውካስን እዞም 42 ተመሪጾም ኣለዉ።

ኣብታ ሃገር ኣብ መንጎ ዝተፈላለዩ ብሄራት ዝተፈጥረ ምትፍናን ናብ ግጭት ብምምርሑ ጸጥታዊ ዘይምርግጋእ ኣስዒቡ ምህላዉ ይፍለጥ።

ኣብ ፈለማ ወርሒ ሕዳር 2020 ዝጀመረ ኲናት ትግራይ ንባዕሉ ንክልላት ኣምሓራን ዓፋርን ናብ ዘሳተፈ ሰፊሕ ኲናት ሓድሕድ ኣምሪሑ ይርከብ።

መንግስቲ ኣብ ፈለማ ወርሒ ጥሪ፡ ንሃገራዊ ዘተን ምርድዳእን ንምስፋን ብዝብል፡ ኣቶ ጀዋር መሓመድን መራሒን መስራትን ህወሓት ነበር ኣቶ ስብሓት ነጋን ዝርከብዎም እሱራት ፖለቲካ "ብምሕረት" ምፍትሑ ኣፍሊጡ ነይሩ።

ዝበዝሑ ካብቶም ነቲ ሃገራዊ ዘተ ክመርሑ ተሓጽዮም ዘለዉ ኣብ ላዕለዋይ ትካላት ትምህርቲ ንነዊሕ ዓመታት ብምምህርና ዘገልገሉን፡ ከምኡ'ውን ገለ ኣመሓደርቲ ክልላት ዝነበሩ ፖለቲከኛታትን ምዃኖም ተፈሊጡ'ሎ።

ቅድሚ ናይ መወዳእታ ዝርዝር ምቕረቡ ድማ ህዝቢ ኣብዞም ተሓጽዮም ዘለዉ ውልቀሰባት ዘለዎ ርእይቶ ከካፍል ዕድል ተዋሂቡ'ሎ።

ብደረጃ ትምህርቶምን ተሞክሮታቶምን ዝተሰነየ ናይ ኩሎም ኣስማት ኣብ መርበብ ሓበሬታ ናይቲ ባይቶ ወጺኡ'ሎ።

እቶም 42 ሕጹያት እዞም ዝስዕቡ እዮም፡