እዚ ውሑድ ዳታ ብምጥቃም፡ ጽሑፍ ጥራይ እተንብቡሉ መርበብ ሓበሬታ ቢቢሲ ትግርኛ እዩ። ምሉእ ኣሳእልን ቪድዮታትን ንምርኣይ ድማ ቀንዲ መርበብ ሓበሬታና ተጠቐሙ።
ኤርትራ፡ ቢንያም ግርማይ ኣብ ቻምፕዮን ዓለም ንኤርትራ ቀዳመይቲ መዳልያ ኣግዚምዋ
ኣብቲ ትማሊ 24 መስከረም 2021 ኣብ ቤልጂም፡ ፍላንደርስ ዝተኻየደ ውድድር ሻምፕዮን ብሽክለታ ዓለም ናይ ትሕቲ 23 ዓመት ኤርትራዊ ቢንያም ግርማይ መበል ካልኣይ ደረጃ ብምውጻእ ተሸላሚ ብሩር ሜዳልያ ኮይኑ።
ቢንያም ግርማይ ንኤርትራ ኣብ ውድድር ሻምፕዮን ቅድድም ብሽክለታ ዓለም ፈላሚ መዳልያ ዝተሸለም ዘግዘመ ተቐዳዳማይ ብምዃን ዝበረኸ ዓወት ኣመዝጊቡ።
ነቲ 161.1 ኪ.ሜ ዝሸፈነ ውድድር ኢጣልያዊ ፊሊፖ ባሮንቺ ብ 3 ሰዓት፡ 37 ደቂቅን፡ 36 ካልኢትን ብምዝዛም ቀዳማይ ኮይኑ ክዕወት እንከሎ፡ ቢንያም ግርማይ ንመወዳድርቱ ብቅጽበታዊ ውድድር (ቮላታ) ብምስዓር ካብ ቀዳማይ ብክልተ ካልኢት ድሒሩ ካልኣይ ብምዃን ንኤርትራን ንውልቁን ኣብቲ መድረኽ ፈላሚ ረኺቡ።
ኣብቲ ንመበል 87 ግዜ ዝካየድ ዘሎ ሻምፕዮና ቅድድም ብሽክለታ ዓለም ኣባላት ሃገራዊት ጋንታ ኤርትራ ኤፍሬም ገብረሂወት፡ ሄኖክ ሙሉብርሃን፡ መንግስ ጴጥሮስ፡ ናትናኤል ተስፋጽዮንን፡ ቢንያም ግርማይን ንኤርትራ ብምውካል ትውሳቲፎም።
ኣብቲ ብዙሓት ተቀደምቲ ክዛዝምዎ ዘይክኣሉ ሓያል ውድድር፡ ኣባላት ሃገራዊት ኤርትራ ንውድድሮም ብምዝዛም እዚ ዝስዕብ ውጽኢት ኣመዝጊቦም።
ፕሮፌሽናል ተቀዳዳማይ ሄኖክ ሙሉብርሃን 2 ድቂቕን 41 ካልኢትን ድሒሩ መበል 60፡ ናትናኤል ተስፋጽዮን 6 ድቂቕን 20 ካልኢትን ድሒሩ መበል 82፡ ኤፍሬም ገብርሂወት 9 ደቂቕን 43 ካልኢትን ድሒሩ መበል 93፡ መንግስ ጴጥሮስ 10 ደቂቕን 16 ካልኢትን ድሒሩ መበል 99 ኮይኖም ውድድሮም ዛዚሚም።
ቅድሚ ሕጂ ነዚ ውድድር ዝተዓወትሉ
2021 ጣልያናዊ ባሮኒቺ ፍሊፖ
2020 ብሰንኪ ኮሮናቫይረስ ኣይተኻየደን
2019 ጣልያናዊ ባቲስቴላ ሳሙኤል
2018 ስዊዘርላንዳዊ ሂርች ማርክ
2017 ፈረንሳዊ ኮስነፍሮይ ቤኖት
2016 ኖርወጃዊ ሃርቨርሶን ክሪስቶፈር
2015 ፈረንሳዊ ሊዳኖይስ ኬቭን
2014 ኖርውጃዊ ባይስትሮም ኤሪክ
2013 ስሎቮንያዊ ሞሆሪች ማትች
2012 ካዛኢክስታናዊ ሉትሴንኮ ኣሌክስ
2011 ፈረንሳዊ ዲማረ ኣርኖድ
