ዳኛ ላዕለዋይ ቤት ፍርዲ ቨኔዝወላ ክሪስትያን ዘርፓ ናብ ኣሜሪካ ኢዱ ሂቡ

ምንጪ ስእሊ, Reuters
ዳኛ ላዕለዋይ ቤት ፍርዲ ቨኔዝወላ ክሪስትኣን ዘርፓ ኣንጻር መሪሕነት ፕረዚደንት ኒኮላስ ማዱሮ ብምቕዋም ናብ ኣሜሪካ ኢዱ ከም ዝሃበ ኣፍሊጡ።
ዳኛ ላዕለዋይ ቤት ፍርዲ ቨኔዝወላ ክሪስትኣን ዘርፓ ምስ መደበር ሬድዮ ፍሎሪዳ ኣብ ዝገበሮ ቃለ መሕተት "ኣብ ዝሓለፈ ዓመት ዝተኻየደ ፕረዚደንታዊ ምርጫ ናጻ ኣይነበረን" ኢሉ።
ፕረዚደንት ኒኮላስ ማዱሮ ኣብ ስርሓት ላዕለዋይ ፍርዲ ኢዱ የተኣታቱ ምንባሩ'ውን ኣፍሊጡ።
ብካልእ ሸነኽ፡ ክሪስትኣን ዘርፓ ምስቲ ኣብ ልዕሊኡ ዝተላዓለ ክሲ ጾታዊ ጥቕዓት ምስቲ ናቱ ምህዳም ዘተኣሳስረዎ ሰባት ኣለዉ።
ተቃወምቲ ሰልፍታት፡ ንፕረዝደንታዊ ምርጫ ቨኔዝወላ 'ኣምሰሉ'ዩ' ብምባል ካብ ምስታፍ ከም ዝሓንዱ ዝዝከር'ዩ።
ዳኛ ላዕለዋይ ቤት ፍርዲ ቨኔዝወላ ክሪስትኣን ዘርፓ፡ ኣብ 2018 ንውጽኢት ፕረዚደንታዊ ምርጫ ኣመልኪቱ ዝኾነ ህዝባዊ መደረ ከም ዘይስመዐ ብምሕባር፡ እቲ ምኽንያት ንሱን ስድርኡን ኣቐዲሞም ኣብ ውሑስ ቦታ ( ኣሜሪካ ) ክበጽሑ ስለ ዝመረጸ ምኳኑ ሓቢሩ።

ምንጪ ስእሊ, Reuters
ፕረዚደንት ማዱሮ ኣብ ዝመጽእ 10 ጥሪ ቃለ መሓላ ክገብር መደብ ተታሒዝሉ'ሎ።
ኣብ ወርሒ ግንቦት ዝተኻየደ ፕርዚደንታዊ ምርጫ ዘይርትዓዊ'ዩ ነይሩ ብምባል፡ 14 ሃገራት ኣምባሳድራተን ካብታ ሃገር ስሒበን ኣለዋ።
ኣሜሪካ ብወገና ቁጠዓዓ ንምግላጽ ኣብ ልዕሊ እዛ ሃገር ቁጠባዊ እገዳ ኣንቢራ ትርከብ።




![ኣብቲ መበል 48 ሓፈሻዊ ዋዕላ ሕቡራት ሃገራት ንወኪል ኤርትራ ዝመርሐ ሽዑ ምኒስተር ጉዳያት ወጻኢ ዝነበረ ማሕሙድ ኣሕመድ ሸሪፎ [ጸ]፡ ኣብ ጐድኑ ኣቶ የማነ ገብረኣብ፡ ኣቶ ሓጐስ ገብረሂወት፡ ብድሕሪኡ ኣቶ የማነ ገብረመስቀል፡ ኣቶ ኣሚን ሓሰንን ካልኦትን ይረኣዩ።](https://ichef.bbci.co.uk/ace/ws/400/cpsprodpb/1ffe/live/bf49b970-b354-11f0-ad84-99ce12c6004d.jpg.webp)







