ውድብ ሕቡራት ሃገራት፡ ዳዕሽ ኣብ ዒራቕ ዝገደፎም 200 ጋህስታት

መርመራዊ ጸብጻብ ውድብ ሕቡራት ሃገራት፡ ጉጅለ ግብረሽበራ ተቖጻጺርዎም ኣብ ዝነበሩ ከባቢታት፡ ኣሽሓት ሰባት ብጅምላ ዝተቐበሩሎም ልዕሊ 200 መቓብራት ምርካቡ የመልክት።

እዚኦም ኣብ ሰሜንን ምዕራብን ግዝኣታት ዒራቕ ዝተረኸቡ እንትኾን፡ 12 ሽሕ ዝኾኑ ሰባት ኣብ ሓደ ተቐቢሮም'ዮም።

እቲ ኣብ 2014 ንገለ ኽፋላት ዒራቕ ዝተቖጻጸረ ጉጅለ ዳዕሽ፡ ናይ ጭካነ ሕግታት ግብራዊ ክኾኑ ገይሩ ነይሩ።

ኮይኑ ግና፡ ኣሜሪካ ብእትመርሖ ጥምረት ሓይሊ ኣየር፡ ሓይልታትን ወተሃደራትን መንግስቲ ዒራቕን ብዝገበሩዎ ወፍሪ ተደምሲሱ።

እዞም ጅምላ መቓብር ዝተረኸቦም ከባቢታት እቶም ግዳያት ብምምማይ፡ ገበን ኲናት ከመስርት ዝኽእል መረዳእታ ከምዝተረኸቦም'ዩ ጸብጻብ ውድብ ሕቡራት ሃገራት ዝገልጽ።

እቲ ጸብጻብ ከምዝብሎ፡ ክሳብ ሕዚ 202 ጅምላ መቃብር ተመዝጊቦም ኣለዉ።

ነዚ ጉዳይ ዘጻርዩ ሰብ ሞያ ድማ፡ ደቂ ኣንስትዮ፣ ህጻናት፣ ሰብ ጸጋ ዕድመ፣ ጉድኣት ኣካል፣ ሰራሕተኛታት ወጻኢ ከምኡ'ውን ሓይልታት ጸጥታ ዒራቕ ዝርከቡዎም፡ ካብ 6 ሽሕ ክሳብ 12 ሽሕ ዝበጽሑ ግዳያት፡ ኣብዞም ከባቢታት ከምዝተቐበሩ ይገልጹ።

"እዞም መቓብራት ጅምላ፡ ምስክር እቲ ዝተኸስረ ሰብ፣ ጭኻነን ዝሓለፈ ስቓይን'ዩ" ኢሉ ወኪል እቲ ውድብ ኣን ዒራቕ ጃን ኩቢስ።

ዒራቕ ምስ ጉጅለ ራዕዲ ዳዕሽ ዝነበራ ኲናት