ጋሬት ክሩክስ ኣብዚ ሰሙን ንኦዚል፣ ኣጉዌሮ፣ ኣለንን ማሓሬዝን ብሉፃት ኢሉ ሓሪዎም'ሎ

ዕድመ ንሰርጅዮ ኣጉዌሮ፥ ሃትሪክ ኣመዝጊቡ ሲቲ ንኒው ካስትል ስዒራታ።

አርሴናል ያለ አሌክሲ ሳንቼዝም ቢሆን ፓላስን ያሸነፈ ሲሆን ዩናይትድ በርንሌይን ተርፍ ሙር ላይ አሸንፎ ተመልሷል። ሳንቼዝ ኣብ ዘይብሉ ዝተፃወቱ ኣርሴናል ተዓዊቶም፤ ዩናይትድ እውን ቀኒዑዎም።

ተንታኒ ስፖርት ጋሬት ክሩክስ ኣብቲ ዝሓለፈ ሰሙን ዝተርኣዩ ምሩፃት 11 ተፃወትቲ ሓርዩ'ሎ።

ሓላዊ ልዳት- ዊሊ ካባሌሮ (ቼልሲ)

ካባሌሮ ኣርባዕተ ሻዕ ክኣትዋ ንሕንጢጥ ዝተረፈን ኳዓሳሱ ኣድሒኑ፤ በዚ ድማ ርኡይ ሓላዊ ልዳት በምባል ሓርዩዎ'ዩ።

ተኸላኻሊ - ቪክተር ሞሰስ (ቼልሲ)

ሞሰስ ኣብ ህይወት ፀወታ ኩዕሶ እግሪ ሰናይ ግዜ የሕልፍ'ሎ በሃላይ እየ ይብል ክሩክስ።

ንጋንታ ቼልሲ ዘለዎ ዓቕሚ ሕጥጥ ኣቢሉ ዝህብ ዘሎ ውፉይ ተፃዋታይ እዩ።

ተኸላኻሊ- ሃሪ ማጉዌር (ሌስተር)

ማጉዌር ምስ ቼልሲ ኣብ ዝተኻይደ ግጥም ኣብ ፅቡቕ ደረጃ ነይሩ፤ ትብዓቱ ምስ ዋትፎርድ እንትገጥሙ እውን ደጊሙዎ።

ተኸላኻሊ - ናቾ ሞንሪያል (አርሴናል)

ንሞንርያል ሽቶ ስለዘእተወ እየ ሓርየዮ ይብል ጋሬት ክሩክስ።

ብፍላይ ኣብዞም ውሕዳት ዓመታት ሞንሪያል ንኣርሴናል እሙን ተፃዋቲ እዩ ብምባል ድማ ወዲሱዎ።

ማእኸላይ - ዊሊያን (ቼልሲ)

ኣብ መንጎ ባትሹዋይ፣ሃዛርድን ዊሊያንን ዝነበረ ውህደት መስደመም ነይሩ።

ኣፈፃፅማ ዊሊያን ድማ ተኣምር እዩ።

አማካይ - ጆ አለን (ስቶክ)

ጆ አለን ኣብ ስቶክ ቀልቢ ዝስሕብ ፀወታ የርእይ ምህላዉ ታሓጕሰ ኣለኹ።

ምስ ሃደርስፊልድ ኣብ ዘካየድዎ ግጥም ክእለቱ ቁልጭ ኣቢሉ ኣርእዩና እዩ።

ማእኸላይ - ኬቪን ደ ብሩይን (ማንቸስተር ሲቲ)

እዚ ተፃዋቲ'ዚ ኣብቶም ዝሓለፉ ቅንያት ኣብ ዝርዝር ምሩፃት ኣይተሰርዐን ነይሩ፤ ምናልባሽ ብሰንኪ ኣብ ቅነ ልደት ዝተፈጠረ ምድርራብን ፅዕንቶን ክኸውን ይኽእል።

ማእኸላይ - ሜሱት ኦዚል (አርሴናል)

ኣሌክሲ ሳንቼዝ ናብ ማንቸስተር ዩናይትድ ኣብ ዝሳገረሉ ዘሎ እዋን ተፃወትቲ ኣርሴናል ኣብ ፅቡቕ ብርኪ እዮም ዘለዉ።

ቀዳም ኣርሴናል ዘመዝገብዋ ሽቶ ካብ ኣሌከሳንደር ላካዜት ዝተረኸበት እያ፤ ይኹን እምበር ኦዚል እዩ ፈትፊቱ ሂብዎ።

ኣጥቃዓይ - ኤዲን ሃዛርድ (ቼልሲ)

ሃዛርድ ናብ ጎን ገፀ ብምኻዱ ንሌዊስ ደንክንን ፓስካል ግሮስንን ኣፍዚዙ ሰለስተ ተኸላኸለቲ ከዓስልዎ ጀሚሮም፤ ኮይኑ ግና ኣይሰመረሎምን።

ኣጥቃዒ - ሰርጂዮ አጉዌሮ (ማንቸስተር ሲቲ)

ንሰርጂዮ ኣጉዌሮ ሓደ ካብቶም ኣብዛ ዓለም ዘለዉ ንፉዓት ኣጥቃዕቲ እየ ዝቖፀሮ።

ኣብቶም ዝሓለፉ ሓሙሽተ ዓማውቲ ብኸመይ ኮኸብ ተፃዋቲ ኮይኑ ክሕረ ብዘይምኽኣሉ ብጣዕሚ እየ ሓሪቐ።

ኣጥቃዒ- ሪያድ ማህሬዝ (ሌስተር)

ማሓሬዝ ናብታ ናይ ቀደም ብቕዓቱ ንኽምለስ ግዜ ወሲዱሉ፤ ንሕና ድማ ብዓቕሊ ተፀቢናዮ ይብል ጋሬት ክሩክስ።