కాక్‌పిట్‌లో చింపాంజీ.. సుఖాంతమైన విషాద కథ

4 మార్చి 2018

ఈ బేబీ చింపాంజీ పేరు ముస్సా.

డెమొక్రటిక్ రిపబ్లిక్ ఆఫ్‌ కాంగో దేశంలోని విరుంగ నేషనల్ పార్కులో ఈ బేబీ చింపాంజీని కొందరు వేటగాళ్ల బారి నుంచి రక్షించి ఎల్‌విరొ ప్రైమేట్స్ అనే చింపాంజీల పునరావాస కేంద్రానికి తరలించారు.

అలా తరలించే క్రమంలో పైలట్ ఆంథోనీ కీరేకు ముస్సాకు మధ్య గొప్ప స్నేహం కుదిరింది.

వీడియో క్యాప్షన్, వీడియో: కాక్‌పిట్‌లో చింపాంజీ

కాక్‌పిట్‌లోకి వచ్చిన ముస్సా కొద్దిసేపు కీరే పక్కన, మరికొద్ది సేపు అతని ఒడిలోను కూర్చుంది.

మధ్యలో కాక్‌పిట్‌లోని బటన్లను నొక్కుతూ కనిపించింది.

ఈ చిన్న చింపాంజీ తల్లికి దూరమైనా.. వేటగాళ్ల బారిన పడకుండా చివరకు పునరావాస కేంద్రానికి తరలటంతో కథ సుఖాంతమైంది.

‘‘అనిశ్చిత భవిష్యత్ నుంచి ఈ బాలుడిని కాపాడినందుకు, రవాణా సదుపాయం కల్పించినందుకు విరుంగ నేషనల్ పార్క్‌కు కృతజ్ఞతలు’’ అని పునరావాస కేంద్రం తన ఫేస్‌బుక్ పేజీలో పోస్ట్ చేసింది.