అమెరికా: వైట్హౌస్లో చారిత్రక చెట్టు తొలగింపుకు మెలానియా ట్రంప్ ఆదేశం
ఫొటో సోర్స్, EPA
ఆ చెట్టు వయసు 200 సంవత్సరాలు!
ప్రస్తుతం దానికి జబ్బు చేసింది. వైద్యం చేశారు.. కానీ నయం కాలేదు.
వెంటనే ఆ చెట్టుకు ఆపరేషన్ చేయాలని అమెరికా అధ్యక్షుడు డొనాల్డ్ ట్రంప్ భార్య మెలానియా ట్రంప్ ఆదేశించారు..!
చెట్టేంటి.. దాని కథేంటి.. ఈ వార్తేంటి..? కంగారు పడకండి.
ఆ చెట్టు పేరు 'జాక్సన్ మగ్నోలియా'. అమెరికా అధ్యక్షుడి నివాసం వైట్ హౌస్లో ఉంటుంది.
ఇది 200 ఏళ్ల చరిత్రకు నిలువెత్తు సాక్ష్యం..! ప్రస్తుతం ఈ చెట్టును నరికేస్తున్నారు.
జాక్సన్ మంగోలియాను అమెరికా మాజీ అధ్యక్షుడు ఆండ్రూ జాక్సన్.. తన భార్య రేచల్ జాక్సన్ జ్ఞాపకార్థం వైట్ హౌస్ ప్రాంగణంలో నాటారు.
ఈ మంగోలియా చెట్టు జీవితంలో ఎన్నో చారిత్రాత్మక సందర్భాలున్నాయి. 1928 - 1988 మధ్య చెలామణిలో ఉన్న 20 డాలర్ల నోటుపై కూడా ఈ చెట్టు బొమ్మను ముద్రించారు.
కానీ.. ప్రస్తుతం ఈ చెట్టు బాగా క్షీణించిందని నిపుణులు తెలిపారు. దీంతో.. ఈ చెట్టును నరికేయమని ప్రథమ పౌరురాలు మెలానియా ట్రంప్ ఆదేశించారు.
అయితే.. చెట్టును పూర్తిగా పెకిలించకుండా.. దాని విత్తనాలను భద్రపరచాలని మెలానియా కోరారని వైట్ హౌస్ అధికార ప్రతినిధి స్టిఫానీ గ్రీషమ్ తెలిపారు.
ఆ విత్తనాలను తిరిగి అదే స్థానంలో నాటాలని మెలానియా కోరారని తెలిపారు.
అధ్యక్షుడి హెలికాప్టర్ టేక్ ఆఫ్ అయ్యే సందర్భాల్లో మీడియా ప్రతినిధులు, సందర్శకులు తరచూ ఈ చెట్టు ముందు నిల్చుంటారు.
కానీ ఈ చెట్టు క్షీణించిపోతున్న సందర్భంలో వారిపై ఎక్కడ పడుతుందోనన్న భయంతోనే మెలానియా ఈ నిర్ణయం తీసుకున్నట్లు స్టిఫానీ గ్రీషమ్ తెలిపారు.
ఫొటో సోర్స్, AFP
మాజీ అధ్యక్షుడి భార్య రేచల్ జాక్సన్కు ఎంతో ఇష్టమైన 'మగ్నోలియా చెట్టు' మొలకను టెనెస్సీ రాష్ట్రంలోని తమ తోట నుంచి తెప్పించారు.
1970 లోనే ఈ చెట్టుకు సమస్య మొదలైంది. ఈ చెట్టుకు ఓ పెద్ద తొర్ర ఏర్పడటంతో కొంత భాగాన్ని తొలగించి, సిమెంట్ వేశారు. దీంతో ఈ చెట్టు క్షీణించి పోవడం మొదలు పెట్టింది.
1981లో సిమెంట్ను తొలగించారు. చెట్టు కూలిపోకుండా.. ఓ పెద్ద స్తంభాన్ని ఆధారంగా ఉంచి, తీగల సాయంతో చెట్టును పట్టి ఉంచారు.
మొదట్లో అంతా సవ్యంగానే గడిచింది. స్తంభం, తీగల సాయంతో పరిస్థితి మెరుగుపడిందన్న అమెరికా నేషనల్ ఆర్బొరీటమ్ రిపోర్టును సిఎన్ఎన్ వార్తా సంస్థ ప్రస్తావించింది.
ఈ మంగోలియా చెట్టు తన జీవిత కాలంలో 39 మంది దేశాధ్యక్షులను, అమెరికా సివిల్ వార్ను, రెండు ప్రపంచ యుద్ధాలనూ చూసింది.
అమెరికా మాజీ అధ్యక్షుడు బిల్ క్లింటన్ కుమార్తె ఛెల్సీ క్లింటన్ ఈ చెట్టు గురించి ట్వీట్ చేశారు.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది
ఇన్నేళ్లూ ఈ మంగోలియా చెట్టును సంరక్షించిన వారికి, ఈ విత్తనాన్ని అదే స్థానంలో తిరిగి నాటేందుకు ప్రయత్నిస్తోన్న మెలానియా ట్రంప్కూ ఆమె ధన్యవాదాలు తెలిపారు.
మా ఇతర కథనాలు:
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
