15 మంది ఎమర్జెన్సీ వర్కర్లను ఇజ్రాయెల్ చంపడంపై స్వతంత్ర, అంతర్జాతీయ దర్యాప్తు జరపాలి - రెడ్ క్రెసెంట్

దక్షిణ గాజాలో రెండు వారాల క్రితం ఇజ్రాయెల్ జరిపిన దాడుల్లో పదిహేను మంది అత్యవసర సహాయ సిబ్బంది ప్రాణాలు కోల్పోయారు.

ఈ ఘటనపై స్వతంత్ర అంతర్జాతీయ విచారణ జరపాలని పాలస్తీనా రెడ్ క్రెసెంట్ సంస్థ డిమాండ్ చేస్తోంది.

ఇజ్రాయెల్ బలగాలు ఉద్దేశపూర్వకంగానే తమ సిబ్బందిని చంపాయని రెడ్ క్రెసెంట్ సంస్థ ఆరోపిస్తోంది.

అయితే ఈ దాడి జరిగిన మొదటి క్షణాల్లో ఏం జరిగిందనేదానిపై వస్తున్న ఆరోపణల్లో నిజం లేదని ఇజ్రాయెల్ చెబుతోంది.

ప్రాణాలు కోల్పోయిన పదిహేను మంది అత్యవసర సిబ్బంది మృతదేహాలను వెలికితీయడానికి రెండు వారాల సమయం పట్టింది. రెండు వారాల క్రితం దక్షిణ గాజాలో ఈ దాడి జరిగింది.

మృతులను సామూహికంగా ఖననం చేశారు. వారితో పాటే దాడిలో దెబ్బతిన్న వాహనాలనూ పూడ్చిపెట్టారు.

కాన్వాయ్‌పైన దాడి చేసి తమ సైనికులు తప్పు చేశారని ఇజ్రాయెల్ అంగీకరించింది.

కానీ గాజాలో యుద్ధ నేరాలకు పాల్పడిన ఆరోపణలను మాత్రం తిరస్కరిస్తోంది.