తెలంగాణ కొత్త సెక్రటేరియట్ ఎలా ఉందో చూశారా...

తెలంగాణలో కొత్తగా నిర్మించిన బీఆర్ అంబేడ్కర్ స్టేట్ సెక్రటేరియట్ ప్రారంభోత్సవం ఈ రోజే.

ఈ భారీ భవనాన్ని 28 ఎకరాల స్థలంలో రూ. 617 కోట్లతో నిర్మించినట్లు ప్రభుత్వం చెబుతోంది. ఎనిమిది అంతస్తులలో నిర్మించిన ఈ భవనం విస్తీర్ణం 10.52 లక్షల చదరపు అడుగులు. ఆరో అంతస్తులో లక్ష చదరపు అడుగుల్లో సీఎం కార్యాలయాన్ని ఏర్పాటు చేశారు.

ముఖ్యమంత్రి కేసీఆర్ సెక్రటేరియట్ భవనానికి 2019 జూన్ 27న శంకుస్థాపన చేశారు.

ఇండో పర్షియన్ అరేబియన్ నిర్మాణ శైలిలో ఈ నిర్మాణాన్ని 26 నెలల్లో పూర్తి చేసినట్లు ప్రభుత్వం ప్రకటించింది.

“అన్ని శాఖలు ఒకే దగ్గర ఉంటాయి. పాలనకు సౌలభ్యంగా ఉంటుంద. మంత్రులు అధికారులు అందరికీ వీడియో కాన్ఫరెన్స్ సౌకర్యం ఉంది. 30 వీడియో కాన్ఫరెన్స్ హాల్స్ ఉన్నాయి” అని రహదారులు, భవనాల శాఖ మంత్రి వేముల ప్రశాంత్ రెడ్డి బీబీసీతో అన్నారు.

సచివాలయ భద్రత విషయంలోనూ ప్రభుత్వం పటిష్టమైన చర్యలు తీసుకుంటోంది. ప్రతి రోజూ దాదాపు 650 మంది పోలీసులు బందోబస్తులో ఉండనున్నారు. సందర్శకులు ఎవరైనా వస్తే ఫేస్ రికగ్నిషన్ టెక్నాలజీతో స్కాన్ చేసి ప్రత్యేక పాసులు ఇస్తారు.

ఈ సెక్రటేరియట్ ప్రత్యేకతలు, విశేషాలు ఏమిటో ఈ వీడియో స్టోరీలో చూడండి.

ఇవి కూడా చదవండి: