கொரோனா வைரஸ்: ”இந்தியாவில் இதுவரை 2 லட்சத்துக்கும் அதிகமான பரிசோதனைகள் செய்யப்பட்டுள்ளன”

இந்தியாவில் கடந்த 24 மணி நேரத்தில் 796 பேருக்கு புதிதாக கொரோனா தொற்று இருப்பது கண்டறியப்பட்டுள்ளது என்றும், கொரோனா தொற்றால் 35 பேர் உயிரிழந்துள்ளனர் என்றும் மத்திய சுகாதாரத் துறை அமைச்சகம் தெரிவித்துள்ளது.

கொரோனா வைரஸை விரைவாக உறுதிப்படுத்தும் 'ராபிட் கிட்' மருத்துவ கருவிகளின் முதல் தொகுப்பு வரும் 15ஆம் தேதி சீனாவிலிருந்து இந்தியா வர உள்ளதாக இந்திய மருத்துவ ஆராய்ச்சி கழகம் தெரிவித்துள்ளது.

இன்று மாலை டெல்லியில் நடைபெற்ற செய்தியாளர்கள் சந்திப்பில் பேசிய இந்திய மருத்துவ ஆராய்ச்சி கழகத்தை சேர்ந்த ராமன் கங்ககேத்கர், "இந்தியாவில் நேற்று வரை கோவிட்-19 உறுதிப்படுத்துவதற்காக 2,06,212 பரிசோதனைகள் செய்யப்பட்டுள்ளன. இதே எண்ணிக்கையில் நாம் பரிசோதனையை மேற்கொண்டால், அடுத்த ஆறு வாரங்களுக்கு தேவையான மருத்துவ பரிசோதனை கருவிகளின் இருப்பு உள்ளது" என்று கூறினார்.

சரி… இந்திய அளவில் நடந்த சில முக்கிய தகவல்களை பார்ப்போம்

ஏப்ரல் 14ஆம் தேதி (நாளை) காலை 10 மணிக்கு உரையாற்றுகிறார் பிரதமர் நரேந்திர மோதி.

சீக்கியர்களின் பைசாகி திருவிழா இன்று (ஏப்ரல் 13) கொண்டாடப்படுவதை அடுத்து, பஞ்சாப் மாநிலம் அமிர்தசரசில் சிலர் அமிர்தசரஸ் பொற்கோயிலுக்கு சிலர் சென்று வழிப்பட்டனர். வழக்கமாக ஆயிரக்கணக்கில் திரளும் சீக்கியர்கள் கொரோனா வைரஸ் காரணமாக ஊரடங்கு பிறப்பிக்கப்பட்டுள்ளதை அடுத்து சிலர் மட்டுமே கோயில் சென்றனர். பஞ்சாப் முதல்வரும் அனைவரும் வீட்டிலிருந்தப்படியே வழிபடும்படி கோரிக்கை விடுத்திருந்தார்.

ஆக்ராவில் கொரோனாவால் பாதிக்கப்பட்டவர்களின் எண்ணிக்கை 134 ஆக உயர்ந்துள்ளது.

மும்பையில் தமிழர்கள் அதிகம் வாழும் தாராவி பகுதியில் மட்டும் கொரோனாவால் பாதிக்கப்பட்டவர்களின் எண்ணிக்கை 47ஆக அதிகரித்துள்ளது, 5 பேர் பலியாகி உள்ளனர்.

மும்பை பங்கு சந்தை 426.05 புள்ளிகள் சரிந்து 30,733.57 ஆக இருந்தது.

மத்திய பிரதேசத்தில் ட்ரோன்கள் வைத்து மக்கள் நடமாட்டம் கண்காணிக்கப்படுகிறது.

அசாமில் மதுக்கடைகள் காலை 10 மணி முதல் மாலை 5 மணி வரை இயங்கலாம் என உத்தரவு பிறப்பிக்கப்பட்டதை அடுத்து மக்கள் நீண்ட வரிசையில் மது வாங்கினர்.

பிற செய்திகள்:

சமூக ஊடகங்களில் பிபிசி தமிழ்: